ఇటీవలే ‘అరవింద సమేత’ సినిమాతో సూపర్ సక్సెస్ అందుకున్న జూనియర్ ఎన్టీఆర్, హీరో రామ్ చరణ్ తేజ్ తో కలసి ‘ఆర్ ఆర్ ఆర్’ అనే ముల్టీస్టార్ సినిమా చేస్తుండగా ఈ సినిమాకి దర్శక ధీరుడు రాజమౌళి దర్శకత్వం వహిస్తున్న విషయం మన అందరికి తెలిసిందే. ఈ నెల 11 న సినీప్రముఖుల సమక్షంలో సినిమా ప్రారంభం కాగా ఈ నెల 19 నుండి రెగ్యులర్ షూటింగ్ మొదలు కానుంది. ఒక పక్క దర్శక ధీరుడు, మరో పక్క ఎన్టీఆర్, రామ్ చరణ్ తేజ కలసి ఈ సినిమాలో నటిస్తుండంతో ఈ భారీ బడ్జెట్ సినిమాపైన అందరిలోను భారీ అంచనాలే ఉన్నాయి.
అయితే ఇటీవలే వస్తున్నఒక వార్త ఫిలింనగర్ లో చెక్కర్లు కొడుతుంది. ప్రస్తుతం వెబ్ సిరీస్ ల ట్రెండ్ అనేది మాములుగా లేదు. కొన్ని వెబ్ సిరీస్ లో హీరోలు, హీరోయిన్లు కూడా నటిస్తూ అందరిని అలరిస్తుండగా, హీరో జూనియర్ ఎన్టీఆర్ కూడా వెబ్ సిరీస్ వేటలో ఉన్నాడనే వార్త గుప్పు మంటుంది. తన కోసం సరిపోయే కథని ఏ డైరెక్టర్ అయిన తీసుకువస్తే ఆ వెబ్ సిరీస్ లో నటించడానికి తనకి ఎటువంటి అభ్యంతరం లేదంటున్నాడట. మరి ఇంతటి క్రేజ్ ఉన్న హీరో కి సరిపోయే కథ దొరికి వెబ్ సిరీస్ లో నటిస్తే అది ఒక రేంజులో ఉంటుందని అభిమానులు సంబరపడుతున్నారు.
Home