కన్నడ హీరో యష్ నటించిన ‘కె.జి.ఎఫ్: చాప్టర్ 1’ ఎంత పెద్ద హిట్టయ్యిందో ప్రత్యేకంగా చెప్పనక్కర్లేదు. ఓ కన్నడ సినిమా తెలుగుతో పాటు హిందీలో కూడా బ్లాక్ బస్టర్ గా నిలిచింది. దర్శకుడు ప్రశాంత్ నీల్ ఈ చిత్రంలో హీరోని చూపించిన తీరుకి అన్ని భాషల ప్రేక్షకులు ఫిదా అయిపోయారు. ‘ఈ డైరెక్టర్ మా అభిమాన హీరోతో సినిమా చేస్తే బాగుణ్ణు’ అని అనుకోని అభిమానులు ఉండరు. అలా ఆ అదృష్టం ఎన్టీఆర్ కి దక్కిందని అంతా భావించారు. కానీ అది చివరికి మహేష్ బాబు ను వెతుక్కుంటూ వచ్చిందని తాజా సమాచారం.
విషయం ఏమిటంటే ‘ఇప్పటికే.. ‘మైత్రి మూవీ మేకర్స్’ సంస్థ ఎన్టీఆర్ తో నిర్మించే సినిమాని ప్రశాంత్ నీల్ డైరెక్ట్ చేయబోతున్నాడని… ఇది పక్కా కమర్షియల్ ఎలెమెంట్స్ తో కూడిన డ్యాన్స్ బేస్డ్ మూవీ’ అంటూ వార్తలు వచ్చాయి. కానీ ప్రశాంత్ నీల్ తాజాగా హైదరాబాద్ లో సూపర్ స్టార్ మహేష్ బాబును కలవడం అందరినీ కన్ఫ్యూజన్లోకి పడేసింది. దానికి కారణం లేకపోలేదు… ‘మహేష్ కోసం ప్రశాంత్ ఒక ఇంట్రెస్టింగ్ స్టొరీలైన్ రెడీ చేసాడట. దానిని మహేష్ కు వినిపించడానికే వచ్చాడట. ‘కె.జీ.ఎఫ్’ తరహాలోనే ఈ కథకు కూడా ప్యాన్ ఇండియా అప్పీల్ ఉందట. దీంతో మహేష్ ఎగ్జైట్ అయ్యాడని తెలుస్తుంది. రెండుగంటలు పైనే ఈ కథ పై చర్చలు జరిగాయట. ఈ మధ్య కాలంలో మహేష్ ఇంత సేపు స్టోరీ డిస్కస్ చేసిన వారందరికీ ఛాన్స్ ఇచ్చాడట. దీంతో ఈ కాంబినేషన్ ఫిక్స్ అని ఫిలింనగర్లో గుసగుసలు మొదలయ్యాయి. మరి చివరికి ఏం జరుగుతుందో చూడాలి..!
Home