జనతా గ్యారేజ్ టీజర్ రివ్యూ

యంగ్ టైగర్ ఎన్టీఆర్ అభిమానులు ఎన్నో రోజులుగా ఎదురు చూస్తున్నజనతా గ్యారేజ్ టీజర్ బుధవారం సాయంత్రం విడుదల అయింది. కొరటాల శివ దర్శకత్వంలో తెరకెక్కుతున్న ఈ సినిమా రికార్డులుపైనే గురి పెట్టినట్లుగా ముప్పై సెకన్ల టీజర్ చెప్పకనే చెప్పింది. తారక్ ఒక్క డైలాగ్ తో  జనతా గ్యారేజ్ పై అంచనాలను భారీగా పెంచారు. “బలవంతుడు బలహీనుణ్ణి భయపెట్టి బతకడం ఆనవాయితీ.. బట్ ఫర్ ఏ చేంజ్.. ఆ బలహీనుడి పక్కన కూడా ఒక బలం ఉంది.

జనతా గ్యారేజ్.. ఇచట అన్ని రిపేర్లు చేయబడును.” అనే డైలాగ్ ని యంగ్ టైగర్ చెప్పిన తీరు అద్భుతం. తారక్ లుక్, దేవి శ్రీ ప్రసాద్ మ్యూజిక్ కిక్ కలిసిన ఈ టీజర్ మాస్, క్లాస్ అనే తేడా లేకుండా అన్ని వర్గాల వారిని ఆకట్టుకుంది. రంజాన్ సందర్బంగా వీడియో చివరన “ఈద్ ముబారక్” శుభాకాంక్షలు చెప్పడం.. ఎన్టీఆర్, మోహన్ లాల్  ముస్లిం వేషధారణలో కలిసి రావడం.. ప్రత్యేక ఆకర్షణను తీసుకొచ్చాయి. మైత్రి మూవీ మేకర్స్ వారు నిర్మిస్తున్న ఈ సినిమా ఆగస్టు 12 న రిలీజ్ కానుంది.