జ్యోతి చేసిన పని తెలిస్తే అభినందించక ఉండలేరు

నటి జ్యోతి బిగ్ బాస్ షోలో పాల్గొని తొలి వారంలోనే వెనుదిరిగింది. పొగరుబోతుగా, పని దొంగగా ముద్ర వేసుకొని బిగ్ హౌస్ నుంచి ఎలిమినేట్ అయింది. ఎన్నో ఆశలతో హౌస్ లోకి వెళ్తే, ఏడురోజుల్లో వెనక్కి రావాల్సినందుకు జ్యోతి మొదటి షాక్ తింది. బాధపడింది. అంత బాధలో ఉన్నప్పటికీ బిగ్ బాస్ షోలో పాల్గొనడం వల్ల వచ్చిన మొత్తాన్ని క్యాన్సర్ బారిన పడిన అల్లరి సుభాషిణి వైద్య ఖర్చులకు అందించి తన మంచి మనసును చాటుకుంది. హాస్యనటి సుభాషిణికి కొన్ని రోజుల క్రితం ఆపరేషన్ చేశారు. ఇప్పుడిప్పుడే కోలుకుంటోంది.

మందులకు, వైద్య పరీక్షలకు ప్రతి నెలా వేలల్లో బిల్ వస్తోంది. ఆ బిల్లులను జ్యోతి చెల్లించి సాయం చేసింది. ఈ విషయం తెలిసిన టాలీవుడ్ సినీ ప్రముఖులు జ్యోతిని అభినందిస్తున్నారు. అసలే భర్తకి దూరంగా ఉంటూ ఒంటిచేత్తో తన కొడుకును పెంచుకుంటున్న జ్యోతి చేసిన సాయం సాధారణమైందని కాదని ప్రశంసిస్తున్నారు. ఆమెకు బిగ్ బాస్ హౌస్ లో వైల్డ్ కార్డ్ ఎంట్రీ వస్తే బాగుంటుందని మనస్ఫూర్తిగా కోరుకుంటున్నారు.

Also, do SUBSCRIBE to our YouTube channel to get latest Tollywood updates.