బాలీవుడ్ లో కూడా అదరగొడుతున్న ‘అర్జున్ రెడ్డి’..!

‘అర్జున్ రెడ్డి’ చిత్రాన్ని బాలీవుడ్ లో ‘ కభీర్ సింగ్’ పేరుతో రీమేక్ చేసిన సంగతి తెలిసిందే. షాహిద్ కపూర్, కియారా అద్వానీ హీరో హీరోయిన్లుగా రూపొందిన ఈ చిత్రం గత శుక్రవారం.. జూన్ 21 న విడుదలయ్యింది. అయితే ఈ చిత్రం పై కొంతమంది విరుచుకుపడ్డారు. హీరో ఆటిట్యూడ్ మరీ ఘోరంగా ఉందని, అలాగే తెలుగు ప్రేక్షకులకి టేస్ట్ లేదని.. రక రకాల కామెంట్స్ చేసి నెగిటివ్ రివ్యూలు రాసారు. కానీ ప్రేక్షకులను మాత్రం ‘ కభీర్ సింగ్’ ఆకట్టుకుంటున్నాడు. ఫస్ట్ వీకెండ్ ఈ చిత్రానికి ఓపెనింగ్స్ అదిరిపోయాయి.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

మొదటి మూడు రోజుల్లోనే ఈ చిత్రం 70 కోట్ల పైనే వసూళ్ళు వచ్చాయని ట్రేడ్ వర్గాలు చెప్పుకొస్తున్నాయి. ఈ విషయం పై తాజాగా తరణ్ ఆదర్శ్ కూడా ట్వీట్ చేశాడు. సెలవు రోజులు కానప్పటికీ.. ‘ కభీర్ సింగ్’ మంచి వసూళ్ళు నమోదు చేసిందని పేర్కొన్నాడు. మొదటి రోజు ఈ చిత్రానికి 20 కోట్లు, రెండో రోజు 22 కోట్లు, మూడో రోజు 28 కోట్లు వచ్చాయట. ఏదేమైనా నెగిటివ్ రివ్యూలు వచ్చినప్పటికీ ‘అర్జున్ రెడ్డి’ (‘కబీర్ సింగ్’) బాలీవుడ్ లో కూడా దుమ్మురేపుతుండడం విశేషం.