మరోసారి బన్నీతో చిందేయడానికి రెడీ అయిన కాజల్?

తెలుగు, తమిళ భాషల్లో అగ్ర హీరోయిన్ గా ఎదిగింది కాజల్. టాలీవుడ్ లో అయితే దాదాపు అందరి స్టార్ హీరోల సరసన నటించింది. కుర్ర హీరోయిన్ల పోటీ తట్టుకుని కూడా ఆఫర్లు దక్కించుకుంటుంది ఈ భామ. ఇటీవల కాజల్ నటించిన ‘సీత’ చిత్రం ప్రేక్షకుల ముందుకు వచ్చింది. ఈ చిత్రం ప్లాప్ అయినప్పటికీ ఈమె నటనకు మాత్రం మంచి మార్కులే పడ్డాయి. ఇదిలా ఉండగా.. ఇప్పుడు కాజల్ ఓ స్టార్ హీరో చిత్రంలో ఐటెం సాంగ్ చేయడానికి రెడీ అయ్యిందని తాజా సమాచారం.

• కైలాసపురం వెబ్ సిరీస్ రివ్యూ కోసం ఇక్కడ క్లిక్ చెయ్యండి
• కిల్లర్ సినిమా రివ్యూ కోసం ఇక్కడ క్లిక్ చెయ్యండి
• హిప్పీ సినిమా రివ్యూ కోసం ఇక్కడ క్లిక్ చెయ్యండి
• సెవెన్ సినిమా రివ్యూ కోసం ఇక్కడ క్లిక్ చెయ్యండి

వివరాల్లోకి వెళితే.. మాటల మాంత్రికుడు త్రివిక్రమ్ డైరెక్షన్లో అల్లు అర్జున్ హీరోగా ఓ చిత్రం తెరకెక్కుతున్న సంగతి తెలిసిందే. ఈ చిత్రానికి టైటిల్ ఇంకా ఫిక్స్ చేయలేదు కానీ .. ఇప్పటికే మొదటి షెడ్యూల్ అయితే కంప్లీట్ అయిపొయింది. ప్రస్తుతం హైదరాబాదులో రెండవ షెడ్యూల్ ను కూడా మొదలు పెట్టేసారు. ఈ చిత్రంలో హీరోయిన్ గా పూజా హెగ్దే నటిస్తుంది.. నివేదా పేతురాజ్ ను కూడా మరో హీరోయిన్ గా ఎంచుకున్నట్టు తాజాగా ప్రకటించారు. ఇక ఈ చిత్రంలో ఓ ఐటమ్ సాంగ్ కూడా ఉండబోతుందట. ఈ ఐటెం సాంగ్ కోసం కాజల్ ను తీసుకున్నారని తాజా సమాచారం. గతంలో ‘జనతా గ్యారేజ్’ చిత్రంలో కూడా ‘పక్కా లోకల్’ అంటూ మాస్ ను ఓ ఊపు ఊపేసింది కాజల్. ఇప్పుడు మరోసారి అల్లు అర్జున్ తో కలిసి చిందేయడానికి రెడీ అవుతుందన్న మాట.