వినయ విధేయ రామలో కాజల్ స్పెషల్ సాంగ్

తనతో కలిసి మూడు సినిమాల్లో నటించడమే కాక తన తండ్రిని హీరోగా పెట్టి తీసిన ప్రతిష్టాత్మక చిత్రంలో కథానాయికిగా ఎంపిక చేసుకున్నాడన్న అభిమానమో లేక తనకు మంచి స్నేహితుడు అవ్వడం వల్లనో తెలియదు కానీ.. కాజల్ తాను చేయకూడదు అని తిష్ట వేసుకుని కూర్చున్న ఒక పనిని చరణ్ కోసం చేస్తోంది. ఏదో అనేసుకోకండి.. అది ఐటెం సాంగ్. ‘జనతా గ్యారేజ్’ చిత్రంలో నేను పక్కా లోకల్ అంటూ మాస్ స్టెప్పులతో ఆకట్టుకున్న కాజల్ కు ఆ తర్వాత ఐటెం సాంగ్ ఆఫర్స్ వెల్లువెత్తాయి. కానీ.. అలా వరుసబెట్టి స్పెషల్ సాంగ్స్ చేస్తే తన కెరీర్ కు మైనస్ అని భావించిన కాజల్ ఆ ఆఫర్స్ అన్నిటినీ రిజెక్ట్ చేసింది.

అయితే.. తనకు హీరోయిన్ గా బిగ్గెస్ట్ హిట్ ఇచ్చిన తొలి కథానాయకుడు, చిరకాల స్నేహితుడు చరణ్ అడిగితే మాత్రం కాదనలేకపోయిన కాజల్ ‘వినయ విధేయ రామ’లో స్పెషల్ సాంగ్ చేయడానికి అంగీకారం తెలిపింది. మొదట రకుల్, ఇలియానాల పేర్లు వినిపించినప్పటికీ.. కాజల్ ను ఫైనల్ చేశారట. అన్నపూర్ణ స్టూడియోలో ఆల్రెడీ రెడీగా ఉన్న భారీ సెట్ లో ఈ సాంగ్ ను త్వరలోనే షూట్ చేయనున్నారు. ఆల్రెడీ ఫుల్ క్రేజీ ప్రాజెక్ట్ గా పేరు తెచ్చుకున్న ఈ చిత్రానికి ఇప్పుడు కాజల్ గ్లామర్ యాడ్ అవ్వడంతో సేలబిలిటీ మరింత పెరిగే అవకాశం ఉంది.