Kalki 2898 AD: కల్కి మేకర్స్ నిర్ణయంతో థియేటర్లు కళకళ.. ఆ నిర్మాతలు మారతారా?

ఈ మధ్య కాలంలో పెద్ద సినిమా, చిన్న సినిమా అనే తేడాల్లేకుండా ఏ సినిమా అయినా విడుదలైన కొన్ని వారాలకే ఓటీటీలో స్ట్రీమింగ్ అవుతున్న సంగతి తెలిసిందే. కల్కి 2898 ఏడీ (Kalki 2898 AD)  సినిమా మాత్రం విడుదలై నాలుగు వారాలైనా ఓటీటీలో ఇప్పటివరకు స్ట్రీమింగ్ కాలేదు. మరో నాలుగు వారాల వరకు ఈ సినిమా స్ట్రీమింగ్ అయ్యే అవకాశం అయితే లేదు. కల్కి సినిమాతో ఒక విధంగా మార్పు మొదలైందని చెప్పవచ్చు.

కల్కి మేకర్స్ నిర్ణయంతో థియేటర్లు కళకళలాడుతున్నాయి. ఎన్ని సినిమాలు విడుదలవుతున్నా ప్రేక్షకులు మాత్రం కల్కి సినిమాకే ఎక్కువ ప్రాధాన్యత ఇస్తుండటం గమనార్హం. ఇతర పెద్ద సినిమాల నిర్మాతలు సైతం ఓటీటీ స్ట్రీమింగ్ విషయంలో కల్కి సినిమాను ఫాలో అయితే మంచిది. ప్రస్తుతం స్టార్ హీరోలు రెండు మూడు సంవత్సరాలకు ఒక సినిమాలో నటిస్తున్న సంగతి తెలిసిందే.

ప్రస్తుత పరిస్థితుల్లో థియేటర్లు కళకళలాడాలంటే పెద్ద సినిమాలు వీలైనంత ఆలస్యంగా ఓటీటీలో స్ట్రీమింగ్ అయితే మంచిదని చెప్పవచ్చు. కల్కి 2898 ఏడీ సినిమా ప్రేక్షకులను ఎంతగానో ఆకట్టుకుంది. విభిన్నమైన సినిమాలను ఇష్టపడే ప్రేక్షకులకు ఈ సినిమా ఎంతగానో నచ్చేసింది. కల్కి 2898 ఏడీ సక్సెస్ ప్రభాస్ అభిమానులకు ఎంతో సంతోషాన్ని కలిగించిందని చెప్పవచ్చు.

కల్కి 2898 ఏడీ క్లీన్ హిట్ గా నిలిచి డిస్ట్రిబ్యూటర్లకు సైతం ఊహించని స్థాయిలో లాభాలను అందించిందని సమాచారం అందుతోంది. కల్కి 2898 ఏడీ సక్సెస్ తో భవిష్యత్తు కథాంశాలతో తెరకెక్కే సినిమాల సంఖ్య ఊహించని స్థాయిలో పెరుగుతోంది. కల్కి 2898 ఏడీ సినిమాలో యాక్షన్ సీన్స్ సైతం ప్రేక్షకులను ఎంతగానో అలరించాయి. ప్రభాస్ సినిమాల బడ్జెట్లు సైతం అంతకంతకూ పెరుగుతున్నాయి.