Kamal Haasan, Ram Charan: రామ్ చరణ్ మూవీలో కోలీవుడ్ స్టార్!

మెగా పవర్ స్టార్ రామ్ చరణ్ శంకర్ కాంబినేషన్ లో తెరకెక్కనున్న సినిమాపై ఇప్పటికే భారీగా అంచనాలు ఏర్పడిన సంగతి తెలిసిందే. దిల్ రాజు ఇప్పటివరకు పరిమిత బడ్జెట్ తో సినిమాలను తెరకెక్కించగా ఈ సినిమా కోసం రికార్డు స్థాయిలో బడ్జెట్ పెడుతున్నారు. చరణ్ ప్రస్తుతం నటిస్తున్న ఆర్ఆర్ఆర్ మల్టీస్టారర్ కాగా శంకర్ డైరెక్షన్ లో తెరకెక్కుతున్న సినిమా కూడా మల్టీస్టారర్ మూవీ కావడం గమనార్హం. శంకర్ మూవీలో స్పెషల్ రోల్ లో కమల్ హాసన్ కనిపించనున్నారని ఇండస్ట్రీ వర్గాల్లో వినిపిస్తోంది.

శంకర్ కమల్ హాసన్ సన్నిహితులనే సంగతి తెలిసిందే. శంకర్ అడిగితే కమల్ హాసన్ నో చెప్పే అవకాశాలు అయితే ఉండవు. కమల్ హాసన్ ఈ పాత్రకు ఇప్పటికే గ్రీన్ సిగ్నల్ ఇచ్చారని కూడా ప్రచారం జరుగుతుండగా అధికారిక ప్రకటన రావాల్సి ఉంది. చరణ్, కమల్ స్క్రీన్ షేర్ చేసుకుంటే కోలీవుడ్, బాలీవుడ్ రికార్డులు బద్దలవడం గ్యారంటీ అని చెప్పవచ్చు. మరోవైపు శంకర్ కమల్ కాంబోలో కొంతకాలం షూటింగ్ పూర్తి చేసుకున్న భారతీయుడు2 షూటింగ్ మళ్లీ మొదలవుతుందో లేక పూర్తిగా ఈ ప్రాజెక్ట్ ఆగిపోయిందో తెలియాల్సి ఉంది.

రామ్ చరణ్ సినిమాతో శంకర్ ఖచ్చితంగా బ్లాక్ బస్టర్ హిట్ సాధించాల్సి ఉంది. శంకర్ సినిమాలకు హిట్ టాక్ వస్తున్నా ఆ సినిమాలు కాస్ట్ ఫెయిల్యూర్స్ అవుతున్నాయనే టాక్ వినిపిస్తోంది. శంకర్ చరణ్ కాంబో మూవీ 150 కోట్ల రూపాయల నుంచి 200 కోట్ల రూపాయల బడ్జెట్ తో తెరకెక్కనుందని సమాచారం.

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!