Kamal Haasan: త్వరలోనే సెట్స్ పైకి భారతీయుడు 2.. క్లారిటీ ఇచ్చిన కమల్?

June 18, 2022 / 03:25 PM ISTByFilmy Focus

Join Us

Kamal Haasan: త్వరలోనే సెట్స్ పైకి భారతీయుడు 2.. క్లారిటీ ఇచ్చిన కమల్?

యూనివర్సల్ స్టార్ కమల్ హాసన్, ప్రముఖ డైరెక్టర్ శంకర్ దర్శకత్వంలో 1996 లో వచ్చిన చిత్రం భారతీయుడు. ఈ సినిమా బాక్సాఫీస్ వద్ద ఎలాంటి విజయాన్ని అందుకుందో మనకు తెలిసిందే.ఇలా బాక్సాఫీస్ వద్ద మంచి విజయాన్ని అందుకున్న ఈ సినిమాకి సీక్వెల్ చిత్రంగా భారతీయుడు 2 సినిమా గురించి ప్రకటించారు. ఈ సినిమా గురించి ప్రకటన చేయడంతో సినిమా పై భారీ అంచనాలు ఏర్పడ్డాయి. శరవేగంగా షూటింగ్ జరుపుకుంటున్న ఈ సినిమా షూటింగ్ లొకేషన్లో జరిగిన ప్రమాదం కారణంగా కొందరు వ్యక్తుల ప్రాణాలు కోల్పోవడంతో ఈ సినిమా షూటింగ్ ఆగిపోయింది.

ఈ ప్రమాదం కారణంగా దర్శక నిర్మాతల మధ్య మనస్పర్ధలు రావడంతో ఆ ప్రాజెక్ట్ అక్కడితో ఆపివేశారు.ఇకపోతే ఈ సినిమా షూటింగ్ ఎప్పుడు ప్రారంభం అవుతుందో తెలియని నేపథ్యంలో కమల్ హాసన్ విక్రమ్ సినిమాతో బిజీ అయ్యారు. అదేవిధంగా శంకర్ మెగా పవర్ స్టార్ రామ్ చరణ్ తేజ్ సినిమాతో బిజీ అయ్యారు. ఈ క్రమంలోనే భారతీయుడు 2 ఈ సినిమా గురించి ఎలాంటి అప్డేట్ లేకపోవడంతో ఈ సినిమాను పూర్తిగా పక్కన పెట్టినట్లు తెలుస్తోంది.

తాజాగా కమల్ హాసన్ నటించిన విక్రమ్ సినిమా మంచి విజయం కావడంతో విజయోత్సవ కార్యక్రమంలో పాల్గొన్న కమల్ హాసన్ మరోసారి భారతీయుడు 2 సినిమా గురించి ప్రస్తావించారు. ఈ సందర్భంగా ఆయన మాట్లాడుతూ త్వరలోనే భారతీయుడు 2 సినిమా సెట్స్ పైకి వచ్చి తిరిగి షూటింగ్ ప్రారంభమవుతుందని తెలిపారు. ప్రస్తుతం శంకర్ మెగా పవర్ స్టార్ రామ్ చరణ్ హీరోగా RC15 సినిమా చేస్తున్నారు. ఈ సినిమా షూటింగ్ పూర్తి కాగానే శంకర్ భారతీయుడు 2 సినిమాతో బిజీ అవుతారని కమల్ హాసన్ క్లారిటీ ఇచ్చారు.

ఇక కమల్ హాసన్ తాజాగా లోకేష్ కనగరాజ్ దర్శకత్వంలో నటించిన విక్రమ్ సినిమా మంచి విజయం కావడంతో ఈయన ఎంతో సంతోషంతో ఉన్నారు.ఈ క్రమంలోనే ఈ సినిమాతో వచ్చిన లాభాలతో తన అప్పులు తీర్చేస్తానని వెల్లడించారు.ఇక ఈ సినిమా మంచి విజయం కావడంతో పెద్ద ఎత్తున విజయోత్సవ కార్యక్రమాలను నిర్వహించడమే కాకుండా సినిమాకి ఇంత మంచి విజయాన్ని అందించిన దర్శకుడు అసిస్టెంట్ దర్శకులకు ఖరీదైన బహుమతులు అందించిన విషయం మనకు తెలిసిందే. ఎంతో మంచి విజయాన్ని అందుకున్న విక్రమ్ సినిమాకి సీక్వెల్ చిత్రం కూడా ఉంటుందని కమల్ హాసన్ ప్రకటించారు.