స్పైడర్ క్లైమాక్స్ కోసం పనిచేస్తున్న కమల్ కన్నన్!

కమల్ కన్నన్.. ఈ పేరు వినగానే మనకి మగధీర, ఈగ సినిమాలు గుర్తుకు వస్తాయి. ఈ చిత్రాలకు వీఎఫ్ఎక్స్  సూపర్ వైజర్ గా కమల్ పనిచేశారు. ఆ ఫిలిమ్స్ ఎంతటి ఘనవిజయం సాధించాయో అందరికీ తెలిసిందే. అటువంటి టెక్నీషియన్ తాజాగా మహేష్, మురుగదాస్ కలయికలో తెరకెక్కుతోన్న స్పైడర్ టీమ్ లోకి వచ్చారు. ఈ చిత్రానికి  వీఎఫ్ఎక్స్  సూపర్ వైజర్ బాధ్యతలు తీసుకున్నారు. రెండు పాటలు మినహా షూటింగ్ మొత్తం పూర్తి చేసుకున్న ఈ సినిమాకి క్లైమాక్స్ కీలకం. ఆ సన్నివేశాల్ని అద్భుతంగా చూపించడానికి కమల్ కన్నన్ శ్రమిస్తున్నారు. తన టీమ్ తో కలిసి రష్యన్ స్టూడియో లో మెరుగులు దిద్దుతున్నారు.

అయన గత చిత్రాలకంటే స్పైడర్ లో సరికొత్త విజువల్ ఎఫెక్ట్స్ చూపించనున్నట్లు సమాచారం. ఇన్వెస్టిగేట్ ఆఫీసర్ గా మహేష్ నటిస్తున్న ఈ చిత్రంలో హీరోయిన్ గా రకుల్ ప్రీత్ సింగ్ నటిస్తోంది. జాతీయ అవార్డు గ్రహీత సినిమాటోగ్రాఫర్ సంతోష్ శివన్ వంటి ప్రముఖ టెక్నీషియన్స్ పనిచేస్తున్న ఈ మూవీపై భారీ అంచనాలు ఉన్నాయి. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై  ఎన్.వి.ప్రసాద్ నిర్మిస్తున్న స్పైడర్ టీజర్ సూపర్ స్టార్ కృష్ణ పుట్టినరోజు సందర్భంగా మే 31న రిలీజ్ చేయనున్నారు.

Also, do SUBSCRIBE to our YouTube channel to get latest Tollywood updates.