‘ఏక్‌ నిరంజన్‌’లో కంగనా రనౌత్‌కి, ‘తలైవి’లో కంగనకి తేడా ఏంటో తెలుసా? స్టార్‌డమ్‌. బాలీవుడ్‌లో హీరోలకు సరిసమానంగా పేరు తెచ్చుకుంది కంగన. ఇక కామెంట్లు, విమర్శలు, వివాదాలు పక్కన పెడదాం. అలాంటి కంగన చూపు ఇప్పుడు మళ్లీ టాలీవుడ్‌ మీద పడిందా? అవుననే అనిపిస్తోంది ఆమె మాటలు వింటుంటే. సినిమా ప్రచారం కోసం అందో లేక నిజంగా చెప్పిందో కానీ… టాలీవుడ్‌కి రావాలని మనసులో మాట చెప్పింది. పూరి జగన్నాథ్‌ దర్శకత్వంలో ప్రభాస్‌తో ‘ఏక్‌ నిరంజన్‌’ అనే సినిమాలో నటించింది కంగన.
ఆ సినిమా సరైన విజయం అందుకోకపోయేసరికి మళ్లీ అవకాశాలు రాలేదు. ఆ తర్వాత బాలీవుడ్‌లో పెద్ద హీరోయిన్‌ అయిపోయింది. ఇప్పుడు జయలలిత కథతో ‘తలైవి’ చేస్తోంది. ఈ సినిమా ప్రచారంలో ఇటీవల మాట్లాడుతూ… తెలుగులో సినిమాలు చేయొద్ద‌ని త‌న‌కేమీ లేద‌ని.. త‌న‌కు తెలుగులో తొలి అవ‌కాశం ఇచ్చిన పూరి జ‌గ‌న్నాథ్‌ను ఇంకో ఛాన్స్ కోసం త‌ర‌చుగా అడుగుతూనే ఉంన్నానని కంగన చెప్పింది. ఎప్పటికైనా పూరి నుండి పిలుపు వ‌స్తుంద‌ని ఆశిస్తున్నానని కంగన చెప్పింది.
అది ప్రభాస్ సినిమా అయితే ఇంకా మంచిదని కంగన చెప్పింది. ఇప్పటికిప్పుడు ప్రభాస్, పూరి జగన్నాథ్‌ సినిమా కాంబినేషన్‌ సెట్‌ అవ్వడం కష్టమే. దీంతో కంగన కోరిక ఇంత త్వరగా నెరవేరేలా కనిపించడం లేదు. పోనీ వేరే ఏదైనా సినిమాకు ఓకే చెబుతుందేమో. మన డైరక్టర్లు ఆ ఫైర్‌ బ్రాండ్‌ని తెలుగులోకి తీసుకురావడానికి ట్రై చేస్తారా?
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
Home