బాలీవుడ్ ఫైర్ బ్రాండ్ గా పేరు తెచ్చుకుంది కంగనా రనౌత్. నటిగా ఆమెకి మంచి క్రేజ్ ఉంది కానీ తరచూ వివాదాల్లో దూరుతుంటుంది. ఎవరేమనుకున్నా.. తనేం చేయాలనుకుంటే అది చేస్తుంది. సెలబ్రిటీలు, రాజకీయనాయకులపై వివాదాస్పద కామెంట్స్ చేస్తూ వార్తల్లో నిలుస్తుంటుంది ఈ బ్యూటీ. తాజాగా ఈమె నటించిన ‘ధాకడ్’ సినిమా ప్రేక్షకుల ముందుకు వచ్చింది. దాదాపు తొంబై కోట్ల బడ్జెట్ తో ఈ సినిమాను రూపొందించారు. భారీ యాక్షన్స్ ఎంటర్టైనర్ గా సినిమాను తెరకెక్కించారు.
దీనిపై చాలా నమ్మకం పెట్టుకుంది కంగనా. అందుకే ఓటీటీ ఆఫర్లు వచ్చినా.. ఒప్పుకోలేదు. తీరా థియేటర్లలో విడుదలైన మొదటిరోజే సినిమాకి నెగెటివ్ టాక్ వచ్చింది. కనీసపు కలెక్షన్స్ కూడా రావడం లేదు. నిన్న దేశవ్యాప్తంగా ఈ సినిమా కేవలం నాలుగు వేల రూపాయలను మాత్రమే వసూలు చేయగలిగిందంటే.. ‘ధాకడ్’ పరిస్థితి ఎంత దారుణంగా ఉందో అర్ధం చేసుకోవచ్చు. కంగనా కెరీర్ లోనే కాదు.. బాలీవుడ్ లో బిగ్గెస్ట్ ఫ్లాప్స్ లో ఒకటిగా నిలవనుంది ఈ సినిమా.
చాలా ఏరియాల్లో జనాలు లేక షోలను క్యాన్సిల్ చేస్తున్నారు. ఈ సినిమాను కొన్న బయ్యర్లు, డిస్ట్రిబ్యూటర్ల బాధ వర్ణనాతీతం. కనీసం డిజిటల్ రైట్స్ అమ్మితే కొంత డబ్బు అయినా వస్తుందని.. ఓటీటీలకు కబురు పంపితే ఎవరూ స్పందించడం లేదట. ఒక్క ఓటీటీ ఆఫర్ కూడా రావడం లేదు. డిజిటల్ రైట్స్ అమ్ముడుకాకపోతే.. ఇక యూట్యూబ్ లో రిలీజ్ చేసుకోవడం తప్ప వేరే ఆప్షన్ కూడా ఉండదు. అసలే ఫ్లాప్ మీద ఫ్లాప్ తో ఇబ్బంది పడుతోన్న బాలీవుడ్ కి ‘ధాకడ్’ తో మరో దెబ్బ తగిలింది!
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home