నిన్న జపాన్ ప్రీ రిలీజ్ ఈవెంట్ హైదరాబాద్లోని జె.ఆర్.సి కన్వెన్షన్ లో ఘనంగా జరిగింది. కార్తీ హీరోగా తెరకెక్కిన ఈ చిత్రం నవంబర్ 10 న దీపావళి కానుకగా రిలీజ్ కాబోతుంది. ఇక ‘జపాన్’ ప్రీ రిలీజ్ ఈవెంట్ కి హీరో నాని గెస్ట్ గా వచ్చి టీంకి ఆల్ ది బెస్ట్ చెప్పాడు. ఈ క్రమంలో యాంకర్ సుమ.. వీరికి చిన్న క్యూ అండ్ ఎ సెషన్ నిర్వహించింది.
ఇందులో భాగంగా ‘నాని (Nani) హీరోగా నటించిన సినిమాల్లో కార్తీకి సూట్ అయ్యే సినిమా ఏంటి?’ అంటూ సుమ అడగ్గా నాని.. ‘ ‘దసరా’ కార్తీ చేస్తే బాగుంటుంది అని చెప్పాడు. అలాగే ‘కార్తీ నటించిన సినిమాల్లో నానికి సూట్ అయ్యే సినిమా ఏంటి?’ అని కార్తీని అడగ్గా.. అందుకు అతను ‘ ‘నా పేరు శివ’ నాని చేస్తే బాగుంటుంది’ అంటూ బదులిచ్చాడు కార్తీ. ఫైనల్ గా ఇద్దరూ కలిసి మల్టీస్టారర్ చేసే ఛాన్స్ ఉందా? అని అడగ్గా.. అందుకు ఇద్దరూ ‘మంచి కథ దొరికితే తప్పకుండా చేస్తాం’ అంటూ జవాబిచ్చారు.
నాని, కార్తీ.. ఇద్దరూ కూడా నేచురల్ స్టార్సే. వైవిధ్యమైన కథలు, పాత్రలు.. ఎంపిక చేసుకుంటూ ప్రేక్షకులకి కొత్త ఫీల్ ను కలిగిస్తున్నారు. వీరితో సినిమా అంటే మినిమమ్ గ్యారెంటీ. అందుకే దర్శక నిర్మాతలు ఎగబడుతూ ఉంటారు. సో వీళ్ళిద్దరూ కలిసి సినిమా అంటూ చేస్తే.. తప్పకుండా ప్రేక్షకులకి కొత్త ఫీలింగ్ ను కలిగిస్తుంది అనడంలో అతిశయోక్తి లేదు.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
