క్రేజీ కాంబినేషన్ కి రంగం సిద్ధం!

November 1, 2020 / 05:02 PM ISTByFilmy Focus

Join Us

లాక్ డౌన్ లో సమయం దొరకడంతో దర్శకులు, హీరోల మధ్య చర్చలు బాగా నడిచాయి. ఈ క్రమంలో కొన్ని క్రేజీ కాంబినేషన్లు తెరపైకి వచ్చాయి. ఇప్పుడు అలాంటి మరో కొత్త కలయిక తెరపైకి రాబోతుంది. తమిళ స్టార్ హీరో ధనుష్ హీరోగా యంగ్ డైరెక్టర్ కార్తిక్ నరేన్ ఓ సినిమా రూపొందించబోతున్నాడు. నాలుగేళ్ల క్రితం వచ్చిన ‘దృవంగల్ పదినారు’ అనే సినిమాతో దర్శకుడిగా ఎంట్రీ ఇచ్చాడు కార్తిక్. ఇదే సినిమాను ’16’ అనే పేరుతో తెలుగులో రిలీజ్ చేశారు.

ఈ థ్రిల్లర్ సినిమా కోలీవుడ్ తో పాటు తెలుగులో కూడా మంచి సక్సెస్ అందుకుంది. ఈ సినిమా చేసే సమయానికి కార్తిక్ వయసు కేవలం 21 ఏళ్లు మాత్రమే. ఈ సినిమాకి కొనసాగింపుగా తీసిన ‘నరకాసురన్’ కొన్ని కారణాల వలన విడుదల కాలేదు. ఆ తరువాత అరుణ్ విజయ్ ని హీరోగా పెట్టి తీసిన ‘మాఫియా’ సినిమాతో మరో హిట్టు అందుకున్నాడు. ‘మాఫియా’ సిరీస్ లో మరో రెండు సినిమాలు తీయాల్సివుంది.

కానీ ఇంతలోపు ధనుష్ లాంటి స్టార్ హీరోని డైరెక్ట్ చేసే ఛాన్స్ రావడం కోలీవుడ్ లో హాట్ టాపిక్ గా మారింది. ఈ సినిమాలో హీరోయిన్ గా మాళవిక మోహనన్ నటించనుంది. ఈ సినిమాకి జీవీ ప్రకాష్ కుమార్ సంగీతం అందించనున్నారు. ఈ సినిమాను తెలుగులో కూడా రిలీజ్ చేసే అవకాశాలు ఉన్నాయి.