మెగా పవర్ స్టార్ రామ్ చరణ్ ప్రస్తుతం ‘ఆర్ఆర్ఆర్’ సినిమా షూటింగ్ లో బిజీగా ఉన్నాడు. రాజమౌళి తెరకెక్కిస్తోన్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఈ సినిమా తరువాత రామ్ చరణ్ తన తదుపరి సినిమా శంకర్ దర్శకత్వంలో చేయనున్నారు. పొలిటికల్ డ్రామా నేపథ్యంలో సినిమాను తెరకెక్కించనున్నారు. గతంలో దర్శకుడు శంకర్ ఇదే జోనర్ లో చాలా సినిమాలు తీశారు. అవి సూపర్ హిట్లుగా నిలిచాయి.
ఇప్పుడు అదే లైన్ లో చరణ్ కోసం కథ రాసుకుంటున్నారు. అయితే ఇప్పుడు ఈ స్టోరీలో మరో దర్శకుడు కూడా ఇన్వాల్వ్ అవ్వబోతున్నట్లు సమాచారం. తమిళంలో ‘జిగర్తాండా’, ‘పేటా’, ‘జగమే తంత్రం’ లాంటి సినిమాలు తీసిన దర్శకుడు కార్తీక్ సుబ్బరాజ్ తనకంటూ ప్రత్యేకమైన గుర్తింపును సంపాదించుకున్నాడు. ఇప్పుడు కార్తీక్ సుబ్బరాజ్ తో కొన్ని ఎపిసోడ్స్ ను రాయిస్తున్నారు శంకర్. అలానే స్టోరీ డెవలప్మెంట్ లో ఈ యంగ్ డైరెక్టర్ ఇన్వాల్వ్ అవుతున్నట్లు తెలుస్తోంది.
తొలిసారి కార్తీక్.. దర్శకుడు శంకర్ తో కలిసి పని చేయబోతున్నారు. ఇద్దరు టాలెంటెడ్ డైరెక్టర్లు ఈ సినిమా కోసం పని చేస్తుండడంతో అంచనాలు పెరిగిపోతున్నాయి. ఈ సినిమాలో సౌత్ ఇండస్ట్రీకి చెందిన చాలా మంది పేరున్న తారలు కనిపించబోతున్నారు. ఇందులో రామ్ చరణ్ సరసన కియారా అద్వానీ హీరోయిన్ గా నటిస్తుండగా.. దిల్ రాజు భారీ బడ్జెట్ తో సినిమాను నిర్మించబోతున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home