Karthik Subbaraju – Chiranjeevi: కార్తిక్‌ సుబ్బరాజు కథ విన్న చిరంజీవి.. మళ్లీ లైనప్‌ మారుతుందా?

చిరంజీవి సినిమాల లైనప్‌ని నమ్మడానికి లేదబ్బా.. ఎప్పుడు చూసినా మారుతూ ఉంటుంది – ఈ మాట సగటు ప్రేక్షకుడు మాత్రమే కాదు, అభిమాని కూడా అనుకుంటూ ఉంటాడు. ఇందులో ఎవరికీ ఎలాంటి సెకండ్‌ ఒపీనియన్‌ ఉండదు. ఎందుకంటే ఇటీవల కాలంలో చిరంజీవి లైనప్‌ అలా మారుతూ వచ్చింది. సీరియల్‌ నెంబర్‌లు ఇచ్చినా.. అవి ఆ తర్వాత మారిపోతూ ఉంటాయి. ఇప్పుడు కూడా చిరంజీవి సినిమాల లైనప్‌ మారింది అనే వార్తలు వస్తున్నాయి.

Karthik Subbaraju – Chiranjeevi

ప్రస్తుతం చిరంజీవి నటిస్తున్న ‘కాకా’ సినిమా తర్వాత ఏం చేస్తారు అనే విషయం గత కొన్ని రోజులుగా రకరకాల వార్తలు వస్తున్నాయి. అప్పుడెప్పుడో షూటింగ్‌ పూర్తి చేసుకున్న ‘విశ్వంభర’ సినిమాకి ఏ సీరియల్‌ నెంబర్‌ వస్తుందో ఇంకా తెలియడం లేదు. ఆ విషయం పక్కన పెడితే చిరంజీవి ఇటీవల వరుసగా యువ దర్శకులు కథలు చెబుతున్నారట. అలా తమిళ దర్శకుడు కార్తిక్‌ సుబ్బరాజు ఓ కథ చెప్పారు అని కోడంబాక్కం వర్గాల టాక్‌.

గతంలో చెప్పిన లెక్క ప్రకారం చిరు తర్వాతి సినిమా శ్రీకాంత్ ఓదెల దర్శకత్వంలో చేయాలి. ఈ మేరకు సినిమా ప్రకటన కూడా వచ్చింది. అయితే ‘ది ప్యారడైజ్’ ఫలితం కారణంగా సినిమా విషయంలో చిరంజీవి పునరాలోచనలో పడ్డారు అని చెబుతున్నారు. అయితే కథ విషయంలో అవసరమైన చర్చలు జరిపాక సినిమాను పట్టాలెక్కించే ఆలోచనలో ఉన్నారని సమాచారం. దీంతో ఆ సినిమా నెంబర్‌ కూడా మారుతుందని టాక్‌.

ఆ సినిమా ప్లేస్‌లోనే కార్తిక్‌ సుబ్బరాజు సినిమా రావొచ్చు అని చెబుతున్నారు. మరోవైపు బుచ్చిబాబు సానా, కల్యాణ్ కృష్ణ కురసాల పేర్లు కూడా వినిపిస్తున్నాయి. ‘పెద్ది’ సినిమా తర్వాత బుచ్చిబాబు సానా చిరంజీవికి ఓ కథ చెప్పారట. చిరు చెప్పిన మార్పులతో మరోసారి కలుస్తారట బుచ్చిబాబు. ఇక కల్యాణ్‌ కృష్ణ అయితే చాలా రోజులుగా ఓ కథ సిద్ధం చేస్తున్నారు. అక్కినేని నాగార్జున నిర్మాణంలో ఈ సినిమా ఉండొచ్చని టాక్‌.

‘జిమ్‌ జిమ్‌ తారా..’ పాట.. ముందుగానే లీక్‌ చేశారట..