Karthika Deepam: డాక్టర్ బాబు, వంటలక్క కలిసిపోయినట్టేనా.. అసలు మేటర్ అదేనట..!

బుల్లితెర ‘బాహుబలి’ అనిపించుకున్న ‘కార్తీక దీపం’ సీరియ‌ల్ ఎప్పుడూ వార్తల్లో నిలుస్తూనే ఉంటుంది. డాక్టర్ బాబు, వంటలక్క లు ఎప్పుడెప్పుడు కలుస్తారా? అని సోషల్ మీడియాలో బోలెడన్ని మీమ్స్ కూడా వస్తుంటాయి. అలా వచ్చిన మీమ్స్ ట్రెండింగ్లో కూడా నిలుస్తుండడం విశేషం. అయితే త్వరలోనే ఈ సీరియల్ కు శుభం కార్డు పడనుందా..? డాక్టర్ బాబు,వంటలక్క.. అదే కార్తీక్, దీప లు కలిసిపోబోతున్నారా? అనే డిస్కషన్లు షురూ అయ్యాయి. దీనికి కారణం లేటెస్ట్ ప్రోమోనే..! రెండు రోజులుగా ఇది తెగ వైరల్ అవుతుంది.

అయితే ఇది కూడా కలలాగా చూపిస్తారా అనే అనుమానాలు కూడా వ్యక్తమవుతున్నాయి. తాజా ప్రోమో చూస్తుంటే.. దీపని కార్తీక్ పర్సనల్‌గా మాట్లాడాలని చెప్పి తీసుకెళ్తాడు. దీపను ట్రీట్మెంట్ కు ఒప్పించడం కోసమే కార్తీక్ అలా చెప్పి పార్క్ కు తీసుకు వెళ్తాడు. కానీ దీప మాత్రం అందుకు ఒప్పుకోదు. తన పిల్లలు చేరాల్సిన చోటుకే చేరారని.. ఇక తాను హాయిగా కన్ను మూస్తాను అని కార్తీక్ కు సమాధానం ఇస్తుంది. దాంతో కార్తీక్ కు కోపం వచ్చి లాగి పెట్టి దీప చెంప పై కొడతాడు.

భర్తను అనే హక్కుతోనే చెయ్యి చేసుకున్నానని.. ఎమోషనల్ అవుతాడు. దాంతో దీప కూడా ఎమోషనల్ అయ్యి కార్తీక్ ను హగ్ చేసుకుంటుంది. ఈ ప్రోమోనే ఇప్పుడు సోషల్ మీడియాలో తెగ వైరల్ చేస్తున్నారు నెటిజన్లు. ‘కార్తీక దీపం’ ను ట్రోల్ చేసే వారు సైతం ఈ ప్రోమోని వాట్సాప్ స్టేటస్ లు గా పెట్టుకుని హల్ చల్ చేస్తున్నారు. చూస్తుంటే ఇక సీరియల్ క్లైమాక్స్ కు చేరుకున్నట్టే అనిపిస్తుంది. లేదంటే.. దర్శకనిర్మాతలు ఏమైనా ట్విస్ట్ ఇచ్చి సీరియల్ ను ఎక్స్టెండ్ చేస్తారేమో చూడాలి..!

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!