యంగ్ హీరో నిఖిల్, కలర్స్ స్వాతి జంటగా తెరకెక్కిన చిత్రం కార్తికేయ.సస్పెన్స్ థ్రిల్లర్ గా వచ్చిన ఈ సినిమా బాక్స్ ఆఫీస్ వద్ద ఎంతో మంచి విజయాన్ని అందుకుంది. ఇకపోతే ఈ సినిమాకి సీక్వెల్ గా కార్తికేయ 2 తెరకెక్కిన సంగతి మనకు తెలిసిందే. ఇకపోతే ఈ సినిమాలో కలర్స్ స్వాతి బదులుగా అనుపమ పరమేశ్వరన్ నటించారు. షూటింగ్ పనులు అన్నింటిని పూర్తి చేసుకున్న ఈ సినిమా ఈనెల 22వ తేదీ విడుదల కావాల్సి ఉంది.
ఇకపోతే ఇప్పటికే పలుసార్లు వాయిదా పడిన ఈ సినిమా జూలై 22వ తేదీ విడుదలవుతుందని చిత్ర బృందం ప్రకటించారు. అయితే ఉన్నఫలంగా మరోసారి ఈ సినిమా విడుదల వాయిదా పడినట్లు తెలుస్తుంది. ఈ సినిమాని జులై 22వ తేదీ విడుదల చేయడం లేదని హీరో నిఖిల్ సోషల్ మీడియా వేదికగా వెల్లడించారు. అభిమానులందరికీ క్షమాపణలు చెబుతూ ఈ సినిమా జులై 22వ తేదీ విడుదల కావడం లేదని బహుశా ఆగస్టు మొదటి వారంలో విడుదల కావచ్చు అంటూ తెలియచేశారు.
ఈ క్రమంలోనే ఈ సినిమా ప్రీమియర్ షో కోసం ఎవరైతే టికెట్లు బుక్ చేసుకున్నారో వారికి నిఖిల్ క్షమాపణలు చెబుతూ వారి డబ్బులను రిఫండ్ చేయనున్నట్లు తెలిపారు.కరోనా కారణం వల్ల పలుమార్లు వాయిదా పడిన ఈ సినిమా మరోసారి కూడా వాయిదా పడటంతో అభిమానులు సైతం తీవ్ర నిరాశకు గురవుతున్నారు.
డైరెక్టర్ చందు మొండేటి దర్శకత్వంలో తెరకెక్కిన ఈ సినిమా నుంచి ఇప్పటికే విడుదలైన పోస్టర్ ,టీజర్ పెద్ద ఎత్తున సినిమాపై అంచనాలను పెంచాయి. ఇలా ఎన్నో అంచనాల నడుమ విడుదల కావాల్సిన ఈ సినిమా వాయిదా పడటంతో అభిమానులు నిరాశ వ్యక్తం చేశారు. అయితే ఈ సినిమా తిరిగి ఎప్పుడు విడుదల చేయనున్నారో మేకర్స్ త్వరలోనే ప్రకటించనున్నట్లు తెలుస్తోంది.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
Home