ప్రభాస్ పక్కన ఆమెనే కోరుకుంటున్న అభిమానులు

బాహుబలి కంక్లూజన్ తర్వాత యంగ్ రెబల్ స్టార్ ప్రభాస్ సాహో సినిమా చేస్తున్నారు. కొన్ని రోజుల్లో రెగ్యులర్ షూటింగ్ కి వెళ్లనున్న సినిమాకి ఓ చిక్కు వచ్చి పడింది. ఈ యాక్షన్ థ్రిల్లర్ మూవీలో హీరోయిన్ గా ఎవరిని సెలక్ట్ చేయాలో డైరక్టర్ సుజీత్ కి తెలియడం లేదు. ఏక కాలంలో మూడు భాషల్లో రూపుదిద్దుకోనున్న సినిమాలో మొదట కన్నడ బ్యూటీ రష్మిక మందనాని అనుకున్నారు. ఆ తర్వాత  బాలీవుడ్ హీరోయిన్స్ దీపికా పదుకునే, పరిణీతి చోప్రా పేర్లు ప్రచారంలోకి వచ్చాయి. తాజాగా మిల్కీ బ్యూటీ తమన్నా పేరు వినిపిస్తోంది. ఈ ఇబ్బందులన్నీ ఎందుకు అభిమానులనే అడిగేస్తే పోలా.. అని బాలీవుడ్ లోని  ప్రముఖ వెబ్ సైట్ ఓటింగ్ నిర్వహించింది.

అందులో ప్రభాస్ పక్కన హీరోయిన్ గా చాలామంది కత్రినా కైఫ్ బాగుంటుందని చెప్పారు. ప్రభాస్, కత్రినా కైఫ్ జోడీ సూపర్ అని  ఏకంగా 49 శాతం మంది ఓటు వేశారు. ఇక తర్వాతి స్థానం దీపికా పదుకునే కు దక్కింది. ఈ బ్యూటీ ప్రభాస్ కు జోడీగా బాగుంటుందని 36 శాతం మంది ఓటేశారు. ఈ ఓటింగ్ ప్రకారం దర్శకుడు ముందుకు వెళ్తారా? లేదా ? కొన్ని రోజుల్లో తెలియనుంది. యూవీ క్రియేషన్స్ బ్యానర్ పై 150 కోట్లతో  వంశీ, ప్రమోద్ లు నిర్మిస్తున్న ఈ మూవీ లో  ప్రభాస్ పోలీసాఫీసర్ గా నటిస్తున్నారు.

Also, do SUBSCRIBE to our YouTube channel to get latest Tollywood updates.