Keeravani: ఆ విషయంలో కీరవాణి తండ్రికి ఎవరూ సాటిరారుగా.. అసలేమైందంటే?

November 5, 2023 / 10:34 AM ISTByFilmy Focus

Join Us

Keeravani: ఆ విషయంలో కీరవాణి తండ్రికి ఎవరూ సాటిరారుగా.. అసలేమైందంటే?

టాలీవుడ్ ఇండస్ట్రీలోని ప్రముఖ మ్యూజిక్ డైరెక్టర్లలో ఒకరైన కీరవాణి గురించి ప్రత్యేకంగా పరిచయం చేయాల్సిన అవసరం లేదు. కీరవాణి రాజమౌళి కాంబినేషన్ లో తెరకెక్కిన సినిమాలు అన్ని వర్గాల ప్రేక్షకులను మెప్పించాయి. కీరవాణి తండ్రి శివశక్తి దత్తా గురించి ప్రత్యేకంగా పరిచయం చేయాల్సిన అవసరం లేదు. శివశక్తిదత్తా వయస్సు ప్రస్తుతం 92 సంవత్సరాలు అనే సంగతి తెలిసిందే. శివశక్తిదత్తా రాసిన పాటలకు ఎంతోమంది అభిమానులు ఉన్నారు. ప్రముఖ బాలీవుడ్ నటులలో ఒకరైన అనుపమ్ ఖేర్ శివశక్తి దత్తా గురించి చేసిన పోస్ట్ నెట్టింట వైరల్ అవుతోంది.

అనుపమ్ ఖేర్ తన పోస్ట్ లో ప్రతిచోట ఆ దేవుడే ఉంటాడని శివశక్తిదత్తా గారిని చూడటం ఆనందంగా ఉందని ఆయన కామెంట్లు చేశారు. శివశక్తిదత్తా గారి ఇంటిని చూస్తే పుణ్యక్షేత్రానికి వెళ్లి వచ్చి భావన కలిగిందని అనుపమ్ ఖేర్ వెల్లడించారు. శివశక్తిదత్తా గారి ఇల్లు ఒక దేవాలయంలా ఉందని ఆయన పేర్కొన్నారు. శివశక్తిదత్తా దేవుళ్లను గీసి ఇంట్లో చిత్రపటాలను పెట్టుకున్నారని అనుపమ్ ఖేర్ అన్నారు. శివశక్తిదత్తా గారు శివాజీ మహారాజ్ బొమ్మను కూడా ఇంట్లో పెట్టుకున్నారని ఆయన కామెంట్లు చేశారు.

నేను అక్కడ గడిపిన ఆ 30 నిమిషాల సమయం నాకు ఎంతో విలువైనదని అనుపమ్ ఖేర్ అభిప్రాయం వ్యక్తం చేశారు. శివశక్తిదత్తా గారు గీసిన బొమ్మను నాకు ఇవ్వడం ఎంతో సంతోషం కలిగించిందని అనుపమ్ ఖేర్ అన్నారు. ఇది నా అదృష్టంగా భావిస్తున్నానని థాంక్యూ సర్.. ఓం నమ:శివాయ అని ఆయన కామెంట్లు చేశారు.

శివశక్తిదత్తా 92 సంవత్సరాల వయస్సులో కూడా తన ప్రతిభతో ప్రశంసలు అందుకుంటూ ఉండటంతో నెటిజన్లు ఎంతగానో సంతోషిస్తున్నారు. ప్రస్తుతం సెట్ పై ఉన్న పలు సినిమాల కోసం కూడా శివశక్తిదత్తా పని చేస్తున్నారని సమాచారం అందుతోంది. అనుపమ్ ఖేర్ చేసిన పోస్ట్ కు 47 వేలకు పైగా లైక్స్ రావడం గమనార్హం.