Keerthy Suresh: ఆ అవమానాల నుంచి బయటపడ్డానన్న కీర్తి సురేష్!

ఆది పినిశెట్టి, కీర్తి సురేష్ ప్రధాన పాత్రల్లో నటించిన గుడ్ లక్ సఖి నేడు థియేటర్లలో విడుదలైన సంగతి తెలిసిందే. అయితే ఈ సినిమాకు బుకింగ్స్ ఆశాజనకంగా లేవని కామెంట్లు వినిపిస్తున్నాయి. ట్రైలర్ లో బ్యాడ్ లక్ సఖి అని పిలిపించుకున్న కీర్తి సురేష్ రియల్ లైఫ్ లో తనకు అలాంటి అనుభవాలు ఎదురయ్యాయని తాజాగా చెప్పుకొచ్చారు. కెరీర్ తొలినాళ్లలో తను హీరోయిన్ గా తెరకెక్కిన ఒక సినిమా ఆగిపోయిందని కీర్తి తెలిపారు.

ఆ సమయంలో మూవీ ఆగిపోవడంతో అందరూ తనను బ్యాడ్ లక్ అని అన్నారని కీర్తి సురేష్ చెప్పుకొచ్చారు. ఆ సినిమా ఆగిపోయిన తర్వాత మరో రెండు సినిమాలు కూడా ఆగిపోయాయని కీర్తి సురేష్ కామెంట్లు చేశారు. ప్రతి హీరోయిన్ సినీ కెరీర్ లో ఇలాంటి అనుభవాలు ఉంటాయని తనకు కూడా అలాంటి అనుభవాలు ఎదురయ్యాయని కీర్తి సురేష్ చెప్పుకొచ్చారు. ఆ అవమానాల నుంచి బయటపడటానికి తనకు మూడేళ్లు పట్టిందని కీర్తి సురేష్ అన్నారు.

అయితే ఈ చేదు అనుభవాలు తనకు మలయాళ ఇండస్ట్రీలో ఎదురయ్యాయని కీర్తి అన్నారు. సక్సెస్ వచ్చేవరకు అవమానాలను భరించక తప్పదని మన వర్క్ మనకు సక్సెస్ ను తెచ్చిపెడుతుందని కీర్తి సురేష్ చెప్పుకొచ్చారు. ఎవరైనా ఐరన్ లెగ్ అని కామెంట్లు చేస్తే బాధ కలుగుతుందని అయితే ఆ సమయంలో ఏమీ చేయలేమని కీర్తి తెలిపారు. కీర్తి సురేష్ ప్రస్తుతం సర్కారు వారి పాట సినిమాలో నటిస్తున్నారు. ఈ సినిమాలో కీర్తి సురేష్ కళావతి అనే పాత్రను పోషిస్తున్నారు.

ఏప్రిల్ నెల 1వ తేదీన సమ్మర్ కానుకగా ఈ సినిమా రిలీజ్ కానుంది. ఈ సినిమా కోసం మహేష్ బాబు తన లుక్ ను పూర్తిగా మార్చుకున్నారు. మహేష్ కెరీర్ లో హైయెస్ట్ బడ్జెట్ తో మైత్రీ మూవీ మేకర్స్ బ్యానర్ పై ఈ సినిమా తెరకెక్కుతోంది. పరశురామ్ ఈ సినిమాకు దర్శకత్వం వహిస్తున్నారు. గీతా గోవిందం సక్సెస్ తర్వాత పరశురామ్ డైరెక్షన్ లో తెరకెక్కుతున్న సినిమా ఇదే కావడం గమనార్హం.

గుడ్ లక్ సఖి సినిమా రివ్యూ & రేటింగ్!

Most Recommended Video

అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!