Keerthy Suresh: తెరపై మా జోడీ బాగుంటుంది.. కీర్తి సురేష్ ఆసక్తికర వ్యాఖ్యలు!

యంగ్ టైగర్ జూనియర్ ఎన్టీఆర్  (Jr NTR) యాక్టింగ్ స్కిల్స్ గురించి ఇప్పటికే ఎంతోమంది సెలబ్రిటీలు వేర్వేరు సందర్భాల్లో ప్రశంసల వర్షం కురిపించారని ప్రత్యేకంగా చెప్పాల్సిన అవసరం లేదు. జూనియర్ ఎన్టీఆర్, కీర్తి సురేష్ (Keerthy Suresh) కాంబినేషన్ లో ఇప్పటివరకు ఒక్క సినిమా కూడా రాలేదనే సంగతి తెలిసిందే. అయితే కీర్తి సురేష్ తాజాగా ఒక సందర్భంలో జూనియర్ ఎన్టీఆర్ గురించి చేసిన కామెంట్స్ నెట్టింట తెగ వైరల్ అయ్యాయి. మొదటిసారి యంగ్ టైగర్ జూనియర్ ఎన్టీఆర్ ను మహానటి ఆడియో లాంఛ్ ఈవెంట్ లో చూశానని కీర్తి సురేష్ తెలిపారు.

జూనియర్ ఎన్టీఆర్ తో కలిసి వర్క్ చేయాలని ఉందని కీర్తి సురేష్ వెల్లడించారు. తెరపై మా జోడీ బాగుంటుందని కీర్తి సురేష్ పేర్కొన్నారు. మహానటి సక్సెస్ సాధించిన తర్వాత జూనియర్ ఎన్టీఆర్ మా టీమ్ అందరికీ పార్టీ ఇచ్చారని ఆమె వెల్లడించారు. జూనియర్ ఎన్టీఆర్ చాలా మంచి వ్యక్తి అని ఎనర్జిటిక్ గా ఉంటారని కీర్తి సురేష్ పేర్కొన్నారు. ఛాన్స్ వస్తే ఒక్కరోజు బన్నీలా (Allu Arjun) లైఫ్ లీడ్ చేయాలని ఉందని కీర్తి సురేష్ వెల్లడించారు.

బన్నీకి ప్రేక్షకుల్లో విపరీతమైన ఫ్యాన్ ఫాలోయింగ్ ఉందని కీర్తి సురేష్ చెప్పుకొచ్చారు. బన్నీలా నేను డ్యాన్స్ చేయాలని అనుకుంటున్నానని కీర్తి సురేష్ పేర్కొన్నారు. కీర్తి సురేష్ త్వరలో రఘుతాత సినిమాతో ప్రేక్షకుల ముందుకు రానున్నారు. ఈ సినిమాతో కీర్తి సురేష్ ఎలాంటి ఫలితాన్ని అందుకోనున్నారో చూడాలి. ప్రస్తుతం కీర్తి సురేష్ చేతిలో ఏకంగా నాలుగు సినిమాలు ఉన్నాయని సమాచారం అందుతోంది.

ఇప్పటికే విడుదలైన రఘుతాత (Raghu ThaTha) సినిమా ట్రైలర్ కు ప్రేక్షకుల నుంచి మంచి రెస్పాన్స్ వచ్చింది. కీర్తి సురేష్ రెమ్యునరేషన్ పరిమితంగానే ఉంది. రాబోయే రోజుల్లో ఎన్టీఆర్ కీర్తి సురేష్ కాంబినేషన్ లో సినిమా వస్తుందేమో చూడాల్సి ఉంది. కీర్తి చేసిన కామెంట్లను ఎన్టీఆర్ ఫ్యాన్స్ మాత్రం తెగ వైరల్ చేస్తున్నారు.