మహానటి చిత్రంతో ఓవర్ నైట్లో స్టార్ హీరోయిన్ అయిపోయింది కీర్తి సురేష్. అంతకు ముందు ఈమెకు ‘నేను శైలజ’ ‘నేను లోకల్’ వంటి హిట్లు ఉన్నప్పటికీ.. అలాగే త్రివిక్రమ్- పవన్ కళ్యాణ్ ల ‘అజ్ఞాతవాసి’ సినిమాలో ఈమె నటించినప్పటికీ.. ‘మహానటి’ చిత్రమే ఈమెకు మంచి గుర్తింపుని తెచ్చి పెట్టింది. ఆ తరువాత ఈమె తెలుగులో పెద్దగా సినిమాలు చెయ్యలేదు. అయితే కోలీవుడ్లో మాత్రం విజయ్, విక్రమ్, సూర్య వంటి స్టార్ హీరోల సినిమాల్లో నటించింది.
అదే టైములో ఎక్కువ పారితోషికం వస్తుంది కదా అని లేడీ ఓరియెంటెడ్ సినిమాలకు కూడా కమిట్ అయ్యింది. అలా చేసిన ‘పెంగ్విన్’ ‘మిస్ ఇండియా’ వంటి చిత్రాలు ఈమె ఇమేజ్ ను చాలా వరకూ డ్యామేజ్ చేసాయి అనే చెప్పాలి. అయితే ఈమె క్రేజ్ తో ఆ సినిమాలను కొన్న ఓటిటి సంస్థలు లాభాలు పొందాయి. కానీ కీర్తి సురేష్ ఇలాంటి సినిమాలు చేసిందేంటి అనే రిమార్క్ మాత్రం పడిపోయింది. ఇదిలా ఉండగా.. తాజాగా ఈమె ‘రంగ్ దే’ చిత్రంతో ప్రేక్షకుల ముందుకు వచ్చింది.
నితిన్ హీరోగా నటించిన ఈ చిత్రాన్ని వెంకీ అట్లూరి డైరెక్ట్ చేసాడు. అయితే ఈ చిత్రం ఫైనల్ గా యావరేజ్ రిజల్ట్ తోనే సరిపెట్టుకుంది.దాంతో ప్రస్తుతం ఈమె నటిస్తున్న ‘సర్కారు వారి పాట’ మరియు ‘అన్నాతె’ చిత్రాల పైనే ఆశలు పెట్టుకుంది.మహేష్ బాబు, రజినీ కాంత్ లు హీరోలుగా నటిస్తున్న చిత్రాలు అవి. వాటి పై బజ్ కూడా ఉంది. ఒకవేళ వాటి రిజల్ట్ తేడా కొడితే ఇక కీర్తి సురేష్ క్రేజ్ పడిపోయే ప్రమాదం కూడా ఉంది.
Most Recommended Video
వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!
