కొన్ని సినిమాల్లోని పాత్రలు ఆ నటులకు భలే సూట్‌ అయిపోతాయి. ఎంతలా అంటే ఆ తర్వాత అదే పేరుతో పిలిచేంత. అలా రెండు సినిమాల పేర్లను తన పేరుగా మార్చుకున్న కథానాయిక కీర్తి సురేశ్‌. కెరీర్‌ తొలినాళ్లలోనే ‘మహానటి’ అయిపోయిన కీర్తి… ఇప్పుడు వెన్నెలగా మారుమోగుతోంది. ‘దసరా’ సినిమాలోని పాత్ర అది. ఇప్పుడు అదే పాత్ర కారణంగా మరో సినిమాలో ఛాన్స్‌ సంపాదించింది అని అంటున్నారు. అందులో కూడా ఆమె పాత్ర అలానే ఉంటుందట.
నాగ చైతన్య – చుందూ మొండేటి కాంబినేషన్లో గీతా ఆర్ట్స్ నిర్మాణంలో ఓ సినిమా తెరకెక్కనున్న విషయం తెలిసిందే. ఈ సినిమాకు సంబంధించి ఇప్పటికే ఆసక్తికర విషయాలు చాలా బయటకు వచ్చాయి. సినిమా బడ్జెట్ రూ. 50 కోట్లు దాటి ఉంటుందని, గుజరాత్‌ నేపథ్యంలో కథ సిద్ధం చేస్తున్నారని… రకరకాలుగా చెప్పుకొస్తున్నారు. ఇప్పుడు తాజాగా ఈ సినిమాలో హీరోయిన్‌ను ఫైనల్ చేశారు అని సమాచారం. అన్నీ అనుకున్నట్లుగా జరిగితే (Keerthy Suresh) కీర్తి సురేశ్‌ను కథానాయికగా ఎంచుకుంటారు అని అంటున్నారు.
కార్తీక్ అనే రచయిత అందించిన కథతో ఈ సినిమా తెరకెక్కనుంది. తొలుత గుజరాత్‌లో భీమ భాగం షూటింగ్‌ ఉంటుందని వార్తలొచ్చినా ఆ తర్వాత కథను ఉత్తరాంధ్ర నేపథ్యంలో తెరకెక్కిస్తారు అని అంటున్నారు. ఈ మేరకు కొంత మేరకు ఉత్తరాంధ్ర జిల్లాల్లో చిత్రీకరించి.. ఆ తర్వాత సెట్స్‌లో తీస్తారట. జాలర్ల జీవితాలు నేపథ్యంలో సాగే ఈ కథ కూడా ప్రతీకారం కేంద్రంగా సాగుతుంది అని సమాచారం. ఈ సినిమాకు ‘తండేల్’ అనే సినిమా పేరు పరిశీలిస్తున్నారట.
తండేలు అంటే ఉత్తరాంధ్ర ప్రాంతంలో బోటు నడిపే ప్రధాన వ్యక్తి అని అర్థం. శ్రీకాకుళం నేపథ్యంలోని కథ కాబట్టి… అలాంటి పేరు అనుకుంటున్నారట. శ్రీకాకుళంలో జరిగిన ఓ ఘటన ఆధారంగా ఈ సినిమా తెరకెక్కిస్తారట. అక్టోబరులో ఈ సినిమా షూటింగ్‌ ప్రారంభమవుతుంది అని సమాచారం. ఉత్తరాంధ్ర జిల్లాలతోపాటు, గుజరాత్‌లో ఈ సినిమా చిత్రీకరణ ఉంటుంది అని సమాచారం.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
Home