ఈ మధ్యకాలంలో చాలా మంది సెలబ్రిటీలు సొంతగా యూట్యూబ్ ఛానెల్స్ ను ఓపెన్ చేస్తున్నారు. ఇదొక బిజినెస్ అయిపోయింది. తమ ఛానెల్స్ లో డిఫరెంట్ కంటెంట్ ను పోస్ట్ చేస్తూ.. బాగా సొమ్ము చేసుకుంటున్నారు మన తారలు. బిగ్ బాస్ హౌస్ నుంచి బయటకొచ్చిన వారంతా కూడా యూట్యూబ్ ఛానెల్స్ మొదలుపెట్టి.. హోమ్ టూర్, మేకప్ టిప్స్ అంటూ పలు రకాల వీడియోలను షేర్ చేస్తున్నారు. రీసెంట్ గా కొందరు స్టార్ సెలబ్రిటీలు కూడా యూట్యూబ్ ఛానెల్స్ పై ఫోకస్ పెట్టారు.
తాజాగా స్టార్ హీరోయిన్ కీర్తి సురేష్ యూట్యూబ్ ఛానెల్ ను లాంఛ్ చేసింది. ఈ విషయాన్ని సోషల్ మీడియా వేదికగా ప్రకటించింది. ”ఈరోజు(జనవరి 26) నా అధికారిక యూట్యూబ్ ఛానెల్ ప్రారంభిస్తున్నందుకు ఎంతో సంతోషంగా ఉంది. సబ్స్క్రైబ్ చేసి వీడియోలు చూడండి” అంటూ చెప్పుకొచ్చింది. సోషల్ మీడియాలో ఎప్పుడూ యాక్టివ్ గా ఉండే ఈ బ్యూటీ తన ఫొటోలు, వీడియోలతో అభిమానులను అలరిస్తూ ఉంటుంది. ఇప్పుడు యూట్యూబ్ ఛానెల్ ద్వారా తన షార్ట్ వీడియోలను, ఫిట్నెస్ తదితర వీడియోలను అభిమానులతో పంచుకోనున్నట్లు తెలుస్తోంది.
‘మహానటి’ సినిమాతో నేషనల్ అవార్డు దక్కించుకున్న ఈ బ్యూటీ ప్రస్తుతం పలు సినిమాల్లో నటిస్తూ బిజీగా గడుపుతోంది. సూపర్ స్టార్ మహేష్ బాబుతో కలిసి ‘సర్కారు వారి పాట’ సినిమాలో నటిస్తోన్న ఈ బ్యూటీ కొన్ని లేడీ ఓరియెంటెడ్ సినిమాలకు కూడా గ్రీన్ సిగ్నల్ ఇచ్చింది. ఈమె నటించిన ‘గుడ్ లక్ సఖి’ సినిమా విడుదలకు సిద్ధంగా ఉంది. నగేష్ కుకునూర్ డైరెక్ట్ చేసిన ఈ సినిమా ఇప్పటికే చాలా సార్లు వాయిదా పడింది. ఎట్టకేలకు ఈ సినిమా ఈ నెల 28న ప్రేక్షకుల ముందుకు రానుంది.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
