KGF3 Movie: కేజిఎఫ్ 3 లో హృతిక్ రోషన్.. అసలు విషయం చెప్పిన నిర్మాత!

ప్రశాంత్ నీల్ దర్శకత్వంలో కన్నడ సినీ నటుడు యశ్ హీరోగా తెరకెక్కిన చిత్రం కెజిఎఫ్. ఈ సినిమా ఎలాంటి అంచనాలు లేకుండా పాన్ ఇండియా స్థాయిలో విడుదలై మంచి విజయాన్ని అందుకుంది. ఇక ఈ సినిమాకి సీక్వెల్ గా కేజిఎఫ్ చాప్టర్ 2 ఏప్రిల్ 14వ తేదీ విడుదల ప్రపంచవ్యాప్తంగా అద్భుతమైన సరికొత్త రికార్డులను సృష్టించిన సంగతి మనకు తెలిసిందే. ఇక ఈ సినిమా మంచి విజయం అందుకోవడంతో కేజిఎఫ్ చాప్టర్ 3 కూడా ఉండబోతోంది అంటూ వార్తలు వచ్చాయి.

ఈ క్రమంలోనే ఈ విషయంపై స్పందించిన మేకర్స్ ఈ సినిమా ఉంటుందని క్లారిటీ ఇవ్వడంతో అభిమానులు ఎంతో సంతోషం వ్యక్తం చేశారు. అయితే ఈ సినిమా గురించి నిత్యం ఏదో ఒక వార్త సోషల్ మీడియాలో వైరల్ అవుతోంది. ఈ క్రమంలోనే కేజిఎఫ్3 లో బాలీవుడ్ స్టార్ హీరో హృతిక్ రోషన్ నటిస్తున్నట్లు పెద్ద ఎత్తున వార్తలు షికార్లు చేస్తున్నాయి. ఈ క్రమంలోనే ఈ విషయంపై నిర్మాత కేజీయఫ్‌ నిర్మాత విజయ్‌ కిరంగదూర్‌ స్పందించారు.

ఈ సందర్భంగా ఆయన మాట్లాడుతూ ఈ సినిమా గురించి వస్తున్న పుకార్ల పై స్పందించిన క్లారిటీ ఇచ్చారు. ప్రస్తుతం డైరెక్టర్ ప్రశాంత్ నీల్ ప్రభాస్ సలార్ సినిమాతో బిజీగా ఉన్నారు. అదే విధంగా హీరో యశ్ కూడా మరో కొత్త సినిమాని ప్రకటించారు. వీరి సినిమాలన్ని పూర్తి అయిన తర్వాత వీరికి సమయం దొరికినప్పుడు కేజిఎఫ్3 కి సంబంధించిన పనులు ప్రారంభిస్తామని, ప్రస్తుతానికి ఈ సినిమాకి సంబంధించిన ఎలాంటి పనులు జరగడం లేదని,సినిమా పనులు ప్రారంభం అయిన తర్వాత ఇందులో నటీనటులను ఎవరిని తీసుకోవాలి అనే విషయాలను కూడా ప్రకటిస్తామని విజయ్‌ కిరంగదూర్‌ క్లారిటీ ఇచ్చారు.

ఎఫ్ 3 సినిమా రివ్యూ & రేటింగ్!

Most Recommended Video

పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!