‘ఖైదీ 2’.. కార్తి సినిమాల గురించి ఎదురుచూస్తున్న అభిమానుల లిస్ట్‌లో ఫస్ట్‌లో ఉండే సినిమా అంటే ఇదే. ఎందుకంటే ‘ఖైదీ’లో కార్తి చూపించిన టాలెంట్‌ అలాంటిది. ఢిల్లీగా ఆ సినిమాలో కార్తి చూపించిన నటన, యాటిట్యూడ్‌ అలాంటిది మరి. ఆ సినిమాకు సీక్వెల్‌ వస్తుందని చాలా రోజుల క్రితమే ప్రకటించారు. అప్పటి నుండి ఆ సినిమా గురించి ఏదో ఒక ఆసక్తికరమైన వార్త బయటకు వస్తూనే ఉంది. తాజాగా మరో కీ ఇన్ఫో బయటకు వచ్చింది. దాని ప్రకారం చూస్తే.. ఈ సినిమాలో విలన్‌గా హారర్‌ కింగ్‌ నటించబోతున్నాడు.
ముందుగా చెప్పినట్లు కార్తి సినిమాల్లో ‘ఖైదీ’ చాలా కీలకమైనది. కార్తి కెరీర్‌కు ఆ సినిమా ఫుల్‌ హైని ఇచ్చింది అని చెప్పొచ్చు. దీంతో ‘ఖైదీ 2’ కోసం చూస్తున్నారు. ప్రస్తుతం లోకేశ్.. విజయ్‌తో ఓ సినిమా చేస్తున్నాడు. ఆ సినిమా అయిపోయిన వెంటనే ‘ఖైదీ 2’ స్టార్ట్ అవుతుందట. ఆ సినిమాకు సంబంధించి లోకేశ్ కనగరాజ్‌ టీమ్‌ ఇప్పటికే పని మొదలుపెట్టిందట. ఇందులో భాగంగా కాస్టింగ్‌ పనులు జరుగుతున్నాయని టాక్‌.
అలా ఈ సినిమాలోకి హారర్‌ కింగ్‌ అయిన లారెన్స్‌ రాబోతున్నాడట. డ్యాన్స్‌ కొరియోగ్రాఫర్‌, దర్శకుడిగా, హీరోగా మెరుపులు మెరిపించిన లారెన్స్‌ తొలిసారి విలన్‌ అవ్వబోతున్నాడట. కమల్ హాసన్ ‘విక్రమ్’ ఆగిన దగ్గర నుండి ‘ఖైదీ 2’ స్టార్ట్ అవుతుంది అని అంటున్నారు. ‘విక్రమ్’లో విజయ్‌ సేతుపతి పాత్ర ముగిసిపోయింది. ఆ పాత్ర స్థానంలో రోలెక్స్‌.. లారెన్స్‌ పాత్రను నియమిస్తాడట. అలా లారెన్స్‌.. లోకేశ్ సినిమాటిక్‌ యూనివర్స్‌లోకి వస్తాడట. అయితే దీనిపై టీమ్‌ నుండి అధికారిక సమాచారం రావాల్సి ఉంది.
మరోవైపు లోకేశ్ ఇప్పుడు చేస్తున్న విజయ్‌ సినిమా, తర్వాత చేస్తాడంటూ వార్తలొస్తున్న రామ్‌చరణ్‌ సినిమా ఈ ‘లోకేశ్ సినిమాటిక్‌ యూనివర్స్‌’ కిందకు వస్తాయా రావా అనేది తెలియడం లేదు. ఆ క్లారిటీ వస్తే ఈ లోకేశ్ వర్స్‌లో ఎవరెవరు ఉంటారో తెలిసిపోతుంది.
ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!
మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!
