సమయం దగ్గరి పడుతుండడంతో సంక్రాంతి లెక్కలు మారుతున్నాయి. పెద్దపండుగ సీజన్ కి బరిలో దిగే సినిమా రిలీజ్ తేదీల్లో సవరణలు జరుగుతున్నాయి. చిరు, బాలయ్యతో పోటీకి రావాలని భావించిన నాగార్జున వెనకడుగు వేశారు. ఓం నమో వెంకటేశాయ సినిమాను ఫిబ్రవరికి పోస్ట్ పోన్ చేశారు. తాజాగా మరో సినిమా విషయంలో మార్పు జరిగింది. మాస్ డైరక్టర్ వి.వి.వినాయక్ దర్శకత్వంలో తెరకెక్కుతున్న మెగాస్టార్ చిరంజీవి 150 వ చిత్రం ‘ఖైదీ నెంబర్ 150’ ని జనవరి 13 న రిలీజ్ చేస్తున్నట్లు చిత్ర బృందం ప్రకటించింది.
అయితే ఈ మూవీని రెండు రోజులు ముందుగానే విడుదల చేసేందుకు చిత్ర నిర్మాత రామ్ చరణ్ తేజ్ భావిస్తున్నట్లు తెలిసింది. పండుగ సెలవుల్లో కలెక్షన్లను కొల్లగొట్టేందుకు ముందుగా రిలీజ్ చేయడం ఉత్తమమని సినిమా షూటింగ్ లో వేగం పెంచారు. ఓ పైపు చిత్రీకరణ జరుగుతుండగానే, మరో వైపు ఎడిటింగ్ వర్క్ జరిపిస్తున్నారు. జనవరి 11 వ తేదీన ఖైదీ విడుదల కావడానికి వినాయక్ బృందం కష్టపడుతోంది.
