కరోనా ఫస్ట్ వేవ్ తో పోలిస్తే సెకండ్ వేవ్ లో వైరస్ వ్యాప్తి ఎక్కువగా ఉంది. ఆగష్టు నెల వరకు థియేటర్లు తెరిచే పరిస్థితులు కనిపించడం లేదు. చిన్న హీరోలు, మీడియం హీరోలలో కొందరు హీరోలు తమ సినిమాలను తప్పనిసరి పరిస్థితుల్లో ఓటీటీలలో రిలీజ్ చేయడానికి ఆసక్తి చూపుతున్నారు. అయితే కొందరు పెద్ద హీరోల సినిమాలు కూడా ఓటీటీలలో రిలీజ్ కానున్నాయని జోరుగా ప్రచారం జరుగుతుండటం గమనార్హం. స్టార్ హీరో రవితేజ నటించిన ఖిలాడీ సినిమా ఓటీటీలో రిలీజ్ కానుందని గత కొన్నిరోజులుగా వార్తలు వస్తున్నాయి.
ఖిలాడీ సినిమాకు ప్రముఖ ఓటీటీ సంస్థ 45 కోట్ల రూపాయలు ఆఫర్ చేసిందని ప్రచారం జరిగింది. అయితే వైరల్ అయిన ఈ వార్త గురించి ఖిలాడీ చిత్ర మేకర్స్ స్పందించి స్పష్టతనిచ్చారు. ఖిలాడీ సినిమాను థియేటర్లలోనే రిలీజ్ చేస్తామని ఓటీటీలో ఈ సినిమాను రిలీజ్ చేసే అవకాశమే లేదని తేల్చి చెప్పారు. భారీ యాక్షన్ థ్రిల్లర్ గా ఖిలాడీ తెరకెక్కుతుండగా ఈ సినిమాకు సంబంధించి వైరల్ అవుతున్న క్రేజీ రూమర్ కు నిర్మాతలు స్పందించి చెక్ పెట్టారు.
ఈ సినిమాలో రవితేజ డ్యూయల్ రోల్ లో నటిస్తున్న సంగతి తెలిసిందే. మీనాక్షి చౌదరి, డింపుల్ హయాతి ఈ సినిమాలో హీరోయిన్లుగా నటిస్తున్నారు. మరోవైపు ఖిలాడీ డిజిటల్ హక్కులు 6 కోట్ల రూపాయలకు అమ్ముడైనట్లు వార్తలు వస్తున్నాయి. ఈ సినిమా ఎప్పుడు రిలీజవుతుందో తెలియాల్సి ఉంది.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
