Kiara Advani: ప్రేమ గురించి కియారా అద్వానీ ఏమందో చూశారా!

June 25, 2022 / 10:24 PM ISTByFilmy Focus

Join Us

Kiara Advani: ప్రేమ గురించి కియారా అద్వానీ ఏమందో చూశారా!

ప్రేమలో ఉన్నవాళ్లను కాకుండా… ప్రేమ విఫలమైన వాళ్లను ప్రేమ గురించి అడిగితే ఎంతో ప్రేమగా చెబుతారు అంటారు. వాళ్లు చెప్పిన విషయాల్లో చాలా లైఫ్‌ ఉంటుందని అంటుంటారు. అయితే మరి ప్రేమలో ఉందో, ప్రేమ విఫలమైందో తెలియదు కానీ కథానాయిక కియారా అద్వానీ మాత్రం ప్రేమ గురించి భలే మాటలు చెప్పింది. రిలేషన్‌షిప్‌ గురించి తన మనసులో ఉన్న విషయాలను స్పష్టంగా చెప్పేసింది. మరి ఆమె మాటలకు ఎవరికి ఎలా అర్థమవుతాయో చూడాలి.

రిలేషన్‌షిప్‌లో అన్నాక గొడవలు ఖాయం. అయితే వాటితోనే రిలేషన్‌ షిప్‌ ముందుకెళ్లకూడదు అంటారు. అందుకే గొడవలు జరిగితే సారీ చెప్పడానికి మొహమాట పడకూడదని, తాను మొహమాట పడనని కియారా అడ్వాణీ చెప్పింది. ‘జుగ్‌ జుగ్‌ జియో’ సినిమా ప్రచారంలో భాగంగా కియారా మీడియాతో వరుసగా మాట్లాడుతోంది. ఈ క్రమంలోనే రిలేషన్‌షిప్‌ గురించి పై మాటలు చెప్పింది. రిలేషన్‌లో ఉన్నప్పుడు గొడవలు జరిగితే ముందు అమ్మాయి సారీ చెప్పాలా? లేదా అబ్బాయి క్షమాపణలు చెప్పాలా?’’ అని అడిగితే.. చక్కనైన సమాధానం ఇచ్చింది.

ఏ బంధంలోనైనా గొడవలు రావడం సహజం. గొడవలు జరిగితే ముందు తామే భార్యకు క్షమాపణలు చెబుతామని పెళ్లయిన మగాళ్లు అంటుంటే విన్నాను. కానీ, నా ఉద్దేశం ప్రకారం గొడవలు ఎవరి వల్ల జరిగినా క్షమాపణలు చెప్పడమనేది ఇద్దరికీ సమానంగా వర్తిస్తుంది అని అంది కియారా. ఏ రిలేషన్‌లోనైనా గొడవలు జరిగినప్పుడు ఇద్దరూ క్షమాపణలు చెప్పుకోవడంలో తప్పులేదు. నేనైతే గొడవకి అంతటితో ఫుల్‌స్టాప్‌ పెట్టి బంధాన్ని ముందుకు కొనసాగించాలనుకుంటాను అని తేల్చేసింది.

అందుకే సారీ చెప్పడానికి ఎప్పుడూ ఇబ్బంది పడను. ఎందుకంటే నాకు ప్రేమ ముఖ్యం అని కియారా వివరించారు. అయితే గత కొంతకాలంగా ఓ బాలీవుడ్‌ హీరోతో ప్రేమలో ఉన్న కియారా ఇటీవల తిరిగి సింగిల్‌ స్టేటస్‌లోకి వచ్చింది అని బాలీవుడ్‌ టాక్‌. ఆ హీరోతో గతంలో కియారా నటించింది. విదేశాలకు విహారయాత్రలకు వెళ్లింది కూడా. మరి ఏ కారణం చేత విడిపోయారు అనేది తెలియాలి.