బన్నీతో రొమాన్స్ చేయనున్న భరత్ అనే నేను బ్యూటీ

“నా పేరు సూర్య” సినిమా అపజయం తర్వాత ఎవరితో సినిమా చేయాలనీ అల్లు అర్జున్ ఆలోచనలో ఉన్నారు. అరవింద సమేత వీర రాఘవ సినిమా విజయం తర్వాత ఓ నిర్ణయానికి వచ్చారు. త్రివిక్రమ్ తో సినిమా చేయడానికి ఫిక్స్ అయినట్టు తెలిసింది. ఎన్టీఆర్ తో సినిమా చేస్తున్న సమయంలో బన్నీకి ఓ కథ వినిపించారంట. కథ నచ్చినప్పటికీ అరవింద ఫలితం తర్వాత మాట్లాడుకుందామని అల్లు అర్జున్ చెప్పినట్టు టాక్. ఈ మూవీ బ్లాక్ బస్టర్ హిట్ సాధించడంతో త్రివిక్రమ్ దర్శకత్వంలో నటించడానికి ఇప్పుడు బన్నీ గ్రీన్ సిగ్నల్ ఇచ్చినట్లు సమాచారం. ఇది వరకు వీరిద్దరి కలయికలో జులాయి, సన్నాఫ్ సత్యమూర్తి సినిమాలు వచ్చాయి.

ఇవి సూపర్ హిట్ అయ్యాయి. ఇప్పుడు హ్యాట్రిక్ హిట్ అందుకోవడానికి సిద్ధమవుతున్నారు. ఈ సినిమాని అల్లు అరవింద్ నిర్మిస్తారా? లేక హారిక హాసిని బ్యానర్లో రాధాకృష్ణ నిర్మిస్తారా? అనేది ఇంకా క్లారిటీ రాలేదు. అయితే అల్లు అర్జున్ కి జోడీగా నటించే హీరోయిన్ ఫిక్స్ అయినట్లు తెలిసింది. బాలీవుడ్ బ్యూటీ కైరా అద్వానీని హీరోయిన్ గా ఎంపిక చేసినట్లు సమాచారం. భరత్ అనే నేను సినిమాలో కైరా చక్కగా నటించి మంచి మార్కులు అందుకుంది. ఇప్పుడు బోయపాటి దర్శకత్వంలో రామ్ చరణ్ సరసన నటిస్తోంది. ఈ సినిమా కంప్లీట్ కాకముందే బన్నీ పక్కన ఛాన్స్ అందుకుంది. మరి ఈజోడీ ఎంతమేర మెప్పిస్తుందో చూడాలి.