మెగాస్టార్ చిరంజీవి తన 152వ చిత్రం సక్సెస్ ఫుల్ డైరెక్టర్ కొరటాల శివతో చేస్తున్నారు. కొద్దిరోజులుగా ఈ చిత్ర షెడ్యూల్ నిరవధికంగా సాగుతుంది. ప్రస్తుతం అవుట్ డోర్ షూటింగ్ జరుపుకుంటున్న ఈ చిత్రంలోని చిరంజీవి లుక్ నిన్న లీక్ అయ్యింది. బయటికొచ్చిన చిరంజీవి లుక్ నిజంగా మాస్ అండ్ మ్యాన్లీ గా ఉంది. చిరు గెటప్ చూస్తే మాత్రం మూవీ కథపై కొన్ని విషయాలు స్పష్టతకు వస్తున్నాయి. ఈ ఫొటోలో చిరంజీవి మెడలో ఎర్ర కండువా ధరించి ముదురు ఆకు పచ్చ కలర్ షర్ట్ వేసుకొని సీరియస్ లుక్ లో కనిపిస్తున్నారు. చిరు సామాజిక విషయాల పట్ల భాద్యత కలిగిన వ్యక్తిగా కనిపిస్తాడని అర్థం అవుతుంది.
మొదటి నుండి కొరటాల శివ సోషల్ కాన్సెప్ట్ కలిగిన కమర్షియల్ మూవీ చేస్తున్నారని ప్రచారం జరుగుతుంది. చిరు లేటెస్ట్ లుక్ చూశాక ఈ చిత్రంలో ఆ డోసు అనుకున్న దానికి మించి ఉంటుంది అనిపిస్తుంది. ఆయన మెడలో ఎర్రకండువా చూస్తుంటే ఆయన పాత్ర మార్క్సిజం, సోషలిస్ట్ భావాలు కలిగివుంటుందని అనిపిస్తుంది. అన్యాయం కనిపిస్తే సహించని, పేదలకు హక్కుల కొరకు పోరాడేవాడిగా చిరు పాత్ర ఉండే అవకాశం కలదు. మరి ఈ అంచనాలలో ఎంత వరకు నిజం ఉందో తెలియాలంటే సినిమా టీజర్ మరియు ట్రైలర్స్ రావలసిందే. ఐతే ఒక్క ఫోటోతో చిరు అంచనాలను మరో స్థాయికి చేర్చాడు. కొణిదెల ప్రొడక్షన్స్ బ్యానర్ లో రామ్ చరణ్ నిర్మిస్తున్న ఈ చిత్రానికి సంగీతం మణిశర్మ అందిస్తున్నారు. హీరోయిన్ మరియు టైటిల్ ప్రకటించాల్సివుంది.
Most Recommended Video
‘భీష్మ’ సినిమా రివ్యూ & రేటింగ్!
‘ప్రెజర్ కుక్కర్’ సినిమా రివ్యూ & రేటింగ్!
