కొరటాల శివ నెక్స్ట్ సినిమాకు ఎంత తీసుకుంటున్నారో తెలుసా?

రచయితగా అనేక హిట్ సినిమాలు చేసిన కొరటాల శివ డైరక్టర్ గా మారి మిర్చి సినిమా తీశారు. ఈ సినిమాతో పాటు తర్వాత తెరకెక్కించిన శ్రీమంతుడు, జనతాగ్యారేజి సూపర్ హిట్ అయ్యాయి. దీంతో అపజయం ఎరుగని దర్శకుడిగా రాజమౌళి స్థానాన్ని కైవశం చేసుకున్నారు. ప్రస్తుతం మహేష్ బాబుతో మళ్ళీ సినిమా చేస్తున్నారు. భరత్ అనే నేను టైటిల్ ఖరారు చేసిన ఈ సినిమా షూటింగ్  జరుగుతుండగానే కొరటాల మరో ప్రాజక్ట్ కి గ్రీన్ సిగ్నల్ ఇచ్చారు. మెగా పవర్ స్టార్ రామ్ చరణ్ తేజ్ తో సినిమా చేస్తున్నట్లు ప్రకటించారు.

దీనిని కొణిదెల ప్రొడక్షన్స్ బ్యానర్లో , మ్యాట్నీ ఎంటర్టైన్మెంట్స్ నిరంజన్ రెడ్డితో చేతులు కలిపి చరణ్ నిర్మించనున్నారు. రంగస్థలం 1985 మూవీ కంప్లీట్ కాగానే ఈ సినిమా సెట్స్ మీదకు వెళ్లనుంది. ప్రీ ప్రొడక్షన్ వర్క్ జరుపుకుంటున్న ఈ సినిమా గురించి ఆసక్తికర సంగతి బయటికి వచ్చింది. ఈ చిత్రానికి కొరటాల శివ 14 కోట్లు అందుకుంటున్నట్లు ఫిలిం నగరవాసులు వెల్లడించారు. కొరటాల అడ్వాన్స్ తీసుకున్న సందర్భంలో పారితోషికం వివరాలు బయటికి వచ్చాయని వివరించారు.

Also, do SUBSCRIBE to our YouTube channel to get latest Tollywood updates.