మరో నాలుగు రోజుల్లో థియేటర్లలో ఆచార్య సినిమా విడుదల కానున్న సంగతి తెలిసిందే. ఆచార్య సినిమాలో కాజల్ మెయిన్ హీరోయిన్ అని పూజా హెగ్డే సెకండ్ హీరోయిన్ అని అందరూ భావించారు. అయితే ట్రైలర్ లో, ప్రీ రిలీజ్ ఈవెంట్ లో కాజల్ కు అస్సలు ప్రాధాన్యత దక్కలేదు. అయితే కాజల్ అగర్వాల్ ఈ సినిమాలో లేదని షాకింగ్ విషయం బయటికొచ్చింది. తాజాగా కొరటాల శివ సినిమాలో కాజల్ పాత్ర గురించి క్లారిటీ ఇచ్చారు.
ఆచార్య మూవీలో కాజల్ రోల్ ధర్మస్థలిలో ఉండే సరదా రోల్ అని ఈ సినిమా స్టోరీ ప్రకారం ఆచార్య పాత్రకు ప్రేమ లేకపోయినా హీరోయిన్ ను పెట్టాలని భావించి కాజల్ ను ఎంపిక చేయడం జరిగిందని కొరటాల శివ వెల్లడించారు. కాజల్ పాత్ర రాసుకున్న సమయంలోనే ఆ పాత్రపై అనుమానం ఉండగా నాలుగు రోజులు షూటింగ్ చేసిన తర్వాత ఆ అనుమానం మరింత పెరిగిందని కొరటాల శివ తెలిపారు.
కాజల్ పాత్రకు కంక్లూజన్ కూడా సరిగ్గా లేకపోవడంతో ఊరికే ఆ పాత్రను పెట్టడం సరికాదని చిరంజీవికి, కాజల్ కు చెప్పానని కొరటాల శివ చెప్పుకొచ్చారు. కాజల్ ఆ తర్వాత ఆచార్య నుంచి తప్పుకున్నారని సినిమాలో ఆమె లేరని కొరటాల శివ అన్నారు. లాహే లాహే సాంగ్ లో మాత్రం కాజల్ కనిపిస్తుందా? లేదా? అనే ప్రశ్నకు సినిమా చూసి జవాబు తెలుసుకోవాలని కొరటాల శివ వెల్లడించారు. కొరటాల శివ ఇచ్చిన క్లారిటీతో కాజల్ అభిమానులు మాత్రం సంతృప్తితో లేరు.
ఆచార్య మేకర్స్ తమకు భారీ షాక్ ఇచ్చారని నెటిజన్లు కామెంట్లు చేస్తున్నారు. కాజల్ కోసం ఆచార్య సినిమాను చూడాలని భావించే వాళ్లకు మాత్రం నిరాశ తప్పదని తెలుస్తోంది. భారీ బడ్జెట్ తో ఆచార్య మూవీ తెరకెక్కగా ఈ సినిమా విడుదలైన తర్వాత బాక్సాఫీస్ వద్ద ఎలాంటి రిజల్ట్ ను అందుకుంటుందో చూడాల్సి ఉంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
