ఆచార్యలో చరణ్ రోల్ ఎలా ఉంటుదంటే?

December 14, 2020 / 10:33 PM ISTByFilmy Focus

Join Us

రామ్ చరణ్ నుంచి రానున్న రెండు సినిమాలు కూడా మల్టీస్టారర్ కథలనే చెప్పాలి. తండ్రి మెగాస్టార్ చిరంజీవితో చేస్తున్న ఆచార్య సినిమాతో పాటు జునియర్ ఎన్టీఆర్ తో చేస్తున్న RRR సినిమాలో కూడా స్క్రీన్ షేర్ చేసుకుంటున్న విషయం తెలిసిందే. అయితే ఈ రెండు సినిమాలలో ముందే రావాల్సిన RRR అనుకోని విధంగా వాయిదాల మీద వాయిదాలు పడింది. కరోనా లేకపోయి ఉంటే రానున్న జనవరికే వచ్చి ఉండేది. ఇక ఆచార్య సినిమా విషయానికి వస్తే ఈ సినిమాలో మెగా పవర్ స్టార్ అరగంట మాత్రమే కనిపిస్తాడని అలాగే అతను గెస్ట్ రోల్ లో నటిస్తున్నట్లు వివిధ రకాల రూమర్స్ వస్తున్న విషయం తెలిసిందే.

అయితే ఫైనల్ గా దర్శకుడు కొరటాల శివ ఒక క్లారిటీ ఇచ్చాడు. రామ్ చరణ్ పాత్ర కూడా సినిమాలో చాలా కీలకమని అంటూ ఆయన పాత్ర కథలో ఫుల్ లెన్త్ లో ఉంటుందని చెప్పారు. మెగాస్టార్ చిరంజీవి పాత్రతో పాటు చరణ్ రోల్ కూడా చాలా పవర్ఫుల్ గా ఉంటుందని అన్నారు. ఇక సినిమాకు సంబంధించిన షూటింగ్ విషయానికి వస్తే రామ్ చరణ్ ఇంకా ప్రస్తుతం జరుగుతున్న షెడ్యూల్ లో పాల్గొనలేదట.

Chiru152 Movie Launch Chiranjeevi Koratala Siva Movie

నెక్స్ట్ షెడ్యూల్ నుంచి చరణ్ తమతో కలవనున్నట్లు చెప్పిన కొరటాల ఇద్దరి హీరోల మధ్య ఒక కీలకమైన సన్నివేశాల్ని తెరకెక్కించనున్నారట. ఇక సినిమాకు సంబంధించిన టీజర్ రిలీజ్ పై కూడా అనుమానాలు వస్తున్నాయి. కానీ ఇంకా కొరటాల నుంచి అయితే ఎలాంటి క్లారిటీ రాలేదు. ఇక సినిమాను వచ్చే ఏడాది దసరా సమయానికి రిలీజ్ చేయవచ్చని టాక్.