ప్రస్తుత రాజకీయాలపై ప్రముఖ దర్శకుడు కొరటాల శివ సంచలన కామెంట్స్ చేశారు. ట్విట్టర్ లో ఆయన చేసిన పోస్ట్ .. సినిమా ఇండస్ట్రీ లోనే కాదు రాజకీయ వర్గాల్లోను చర్చకు దారి తీసింది. “రాజకీయాలు కుళ్లిపోయాయని, దేవుడు కూడా ఈ కుళ్లు రాజకీయాలను బాగు చేయలేడు” అని కొరటాల శివ ట్వీట్ చేశారు. తన సినిమాలతో సందేశాలను అందించే ఈ డైరక్టర్ హఠాత్తుగా ఇంత మాట అనేశాడేంటి అని ఆశ్చర్యపోతున్నారు. చివరగా ఈ కుళ్లిపోయిన రాజకీయాలను మనం మార్చగలమని చెప్పడంతో.. ఇందులో ఏదో మర్మం ఉందని భావిస్తున్నారు. ప్రస్తుతం కొరటాల శివ పొలిటికల్ స్టోరీతో “భరత్ అనే నేను” అనే సినిమాని తెరకెక్కిస్తున్నారు. ఇందులో మహేష్ బాబు ముఖ్యమంత్రి అవుతారని సమాచారం.
ఈ క్రమంలో నేటి రాజకీయాలపై, అసమర్ధ నేతలపై పంచ్ లు వేయనున్నారని తెలిసింది. అలా ఆ చిత్రంలో మహేష్ చెప్పే డైలాగ్ ని కొరటాల శివ పోస్ట్ చేశారని ఫిలిం నగర్ వాసులు భావిస్తున్నారు. సంక్రాంతికి రిలీజ్ అయ్యే ఈ సినిమాకి ఇప్పటి నుంచే పబ్లిసిటీ మొదలు పెట్టేశారని చెబుతున్నారు. భారీ బడ్జెట్ తో డి.వి.వి. దానయ్య నిర్మిస్తున్న ఈ సినిమాలో బాలీవుడ్ బ్యూటీ కైరా అద్వానీ హీరోయిన్ గా నటిస్తోంది. మహేష్, కొరటాల కాంబినేషన్లో వచ్చిన శ్రీమంతుడు మూవీ ఇండస్ట్రీ హిట్ గా నిలిచింది. ఆ కాంబినేషన్లో వస్తున్న మూవీ కావడంతో దీనిపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
