సంచలన దర్శకుడు రామ్ గోపాల్ వర్మ రూపొందించిన వెబ్ ఫిలిం ‘థ్రిల్లర్’తో పాపులారిటీ దక్కించుకుంది నటి అప్సరా రాణి. ఈ సినిమా రిలీజ్ సమయంలో వర్మ.. అప్సరాని పొగుడుతూ సోషల్ మీడియాలో లెక్కలేనన్ని పోస్ట్ లు పెట్టారు. ఇప్పటికీ కూడా ఆమె అందాన్ని పొగుడుతూ ట్వీట్లు వేస్తూనే ఉంటారు. అంతగా ఆమెని ఆరాధిస్తుంటారు. రీసెంట్ గా ఈ బ్యూటీ రవితేజ నటించిన ‘క్రాక్’ సినిమాలో ‘భూమ్ బద్దల్’ అనే స్పెషల్ సాంగ్ లో కనిపించింది.
ఈ పాటలో తన మాస్ స్టెప్స్ తో ప్రేక్షకులను అలరించింది అప్సరా. ఈ పాట మంచి హిట్ అయింది. దీంతో ఈమెకి ఐటెం సాంగ్స్ లో నటించే అవకాశాలు పెరిగాయి. తాజాగా గోపీచంద్ సినిమాలో ఐటెం సాంగ్ లో నటించడానికి గ్రీన్ సిగ్నల్ ఇచ్చింది. సంపత్ నంది దర్శకత్వంలో ‘సీటీమార్’ అనే సినిమా తెరకెక్కుతోన్న సంగతి తెలిసిందే. గోపీచంద్, తమన్నా జంటగా నటిస్తున్నారు. స్పోర్ట్స్ బ్యాక్ డ్రాప్ లో రూపొందిస్తోన్న ఈ సినిమాలో స్పెషల్ పటాకా సాంగ్ లో అప్సర నటిస్తున్నట్లు దర్శకుడు సోషల్ మీడియా వేదికగా వెల్లడించాడు.
ఈ పాట బొంబాట్ గా ఉంటుందని ట్వీట్ పెట్టారు. పవన్ కుమార్ సమర్పణలో శ్రీనివాసా సిల్వర్ స్క్రీన్ పతాకంపై శ్రీనివాసా చిట్టూరి ఈ చిత్రాన్ని నిర్మిస్తున్నారు. మెలొడీ బ్రహ్మ మణిశర్మ సంగీతం సమకూరుస్తున్నారు. భూమిక కీలక పాత్రలో నటిస్తోన్న ఈ సినిమా ఏప్రిల్ 2న ప్రేక్షకుల ముందుకు రానుంది.
Most Recommended Video
కాపటధారి సినిమా రివ్యూ & రేటింగ్!
దృశ్యం 2 సినిమా రివ్యూ & రేటింగ్!
ఉప్పెన సినిమా రివ్యూ & రేటింగ్!
