మెగాస్టార్ చిరంజీవి రీ ఎంట్రీ చిత్రంతో పూర్వవైభవాన్ని సొంతం చేసుకున్నారు. ఖైదీ నంబర్ 150 సినిమా ఇచ్చిన ఉత్సాహంతో 151 సినిమాకు సిద్ధమవుతున్నారు. స్వాతంత్ర సమరయోధుడు ఉయ్యాల వాడ నరసింహా రెడ్డి జీవితం ఆధారంగా తెరకెక్కనున్న ఈ సినిమా ప్రీ ప్రొడక్షన్ వర్క్ లో స్టైలిష్ డైరక్టర్ సురేందర్ రెడ్డి బిజీగా ఉన్నారు. కొణిదెల ప్రొడక్షన్స్ బ్యానర్లో రామ్ చరణ్ నిర్మిస్తున్న ఈ సినిమా ఏప్రిల్ నుంచి సెట్స్ మీదకు వెళ్లనుంది. దీని తరవాత చిరు చేయనున్న కథ కూడా ఒకే అయిపోయినట్లు ఫిలిం నగర వాసులు చెబుతున్నారు.
బాలకృష్ణకు గౌతమి పుత్ర శాతకర్ణి వంటి సూపర్ సినిమాను ఇచ్చిన క్రిష్ రీసెంట్ గా చిరుకు ఓ కథ వినిపించారంట. అది బాగా నచ్చడంతో పూర్తి స్క్రిప్ట్ తో రమ్మని క్రిష్ కి చిరు చెప్పారని తెలిసింది. రెండు నెలల్లో స్క్రిప్ట్ పూర్తి చేసి మెగాస్టార్ డేట్స్ లాక్ చేయాలనీ డైరక్టర్ శ్రమిస్తున్నారు. అంతా సక్రమంగా జరిగితే.. చిరంజీవి 152 సినిమా క్రిష్ దర్శకత్వంలోనే ఉండబోతోంది.
Also, do SUBSCRIBE to our YouTube channel to get latest Tollywood updates.
