శాతకర్ణి తర్వాత క్రిష్ చేయనున్న మూవీలివే..!

ఉత్తమ చిత్రాల దర్శకుడు క్రిష్ గౌతమి పుత్ర శాతకర్ణితో మరో విజయాన్ని అందుకున్నారు. నటసింహ నందమూరి బాలకృష్ణ నటించిన వందో చిత్రం ఈ రోజు రిలీజ్ అయి అందరి మన్ననలు అందుకుంటోంది. దీంతో దర్శకుడిగా క్రిష్ ఓ మెట్టు ఎక్కారు. తర్వాత ఆయన చేయనున్న సినిమాలపై అంచనాలు పెరిగాయి. ఎవరితో సినిమా చేయనున్నారనే ఆసక్తి అందరిలో నెలకొని ఉంది. శాతకర్ణి తర్వాత స్టెప్పు ఏమిటని క్రిష్ ని  అడగగా . “ముందుగా నా భార్యతో కలిసి హనూమూన్ కి వెళ్ళిరావాల”ని నవ్వేశారు. బాలయ్యతో సినిమా చేసే సమయంలోనే క్రిష్ కి వైద్యురాలు రమ్యతో విహహం జరిగింది. పెళ్లి అయినా పూర్తి సమయాన్ని సినిమాకే కేటాయించారు.

అందుకే ఇప్పుడు ఒక నెల పాటు విహరించనున్నారు. ఆ తర్వాత విక్టరీ వెంకటేష్ 75  వ మూవీ పనుల్లో నిమగ్నం కానున్నట్లు క్రిష్ స్పష్టం చేశారు. అలాగే మెగాస్టార్ చిరంజీవికి ఓ మంచి కథ రాస్తున్నాని వివరించారు. మరో ఆసక్తికర విషయం ఏమిటంటే యంగ్ టైగర్ ఎన్టీఆర్ తోను ఓ మూవీ చేయనున్నట్లు వెల్లడించారు. ఈ మూడు చిత్రాలతో పాటు బాలీవుడ్ యాక్షన్ హీరో అక్షయ్ కుమార్ తోను సినిమా ఉంటుందని క్రిష్ తెలిపారు. సో ఈ డైరక్టర్ కి రెండు సంవత్సరాలు పాటు డైరీలో ఖాళీ లేదు.

Also, do SUBSCRIBE to our YouTube channel to get latest Tollywood updates.