సినిమాల్లోకి రాకముందు మీ పరిస్థితి ఏంటి? అని ఇప్పుడున్న స్టార్ హీరోలను అడిగితే ఒక్కొక్కరికి ఒక్కో సినిమా కథ ఉంటుంది. స్ట్రగ్లింగ్‌ డేస్‌ గురించి వాళ్లను కదిలిస్తే జీబీల కొద్దీ విషయాలు చెబుతారు. ఇంటి నుండి దూరంగా వచ్చేసి, సరైన తిండి, నిద్ర, గూడు లేకుండా ఎన్నో ఇబ్బందులు పడి ఉంటారు. ఒక్కొక్కరికి ఒక్కోలాంటి పరిస్థితి ఉండొచ్చు కానీ.. అందరూ ఆ స్థాయి దాటొచ్చిన వాళ్లే. ఇటీవల ఓ కార్యక్రమంలో ప్రముఖ నటుడు కృష్ణ భగవాన్‌ (Krishna Bhagavaan) రవితేజ (Ravi Teja) గురించి కొన్ని విషయాలు చెప్పారు.
దీంతో ఇప్పుడు ఆ మాటలు వైరల్‌గా మారాయి. సినిమాల్లోకి వచ్చిన తొలి రోజుల్లో రవితేజ ఎలా ఉండడేవారో అందరికీ తెలియదు. చిన్న చిన్ పాత్రలు చేసుకుంటూ చేసుకుంటూ ఇప్పుడు కోట్ల రూపాయాల రెమ్యూనరేషన్‌ తీసుకుంటున్న స్టార్ హీరో అయ్యారు. అయితే ఎర్లీ డేస్‌లో ఫ్రెండ్స్‌తో కలసి రూమ్‌ షేర్‌ చేసుకునేవారు. అలా కొన్ని రోజులు ఆయన, ప్రముఖ దర్శకుడు వైవీయస్‌ చౌదరి, కృష్ణ భగవాన్‌ ఒకే రూమ్‌లో ఉండేవారట.
అప్పుడు కొన్ని కుక్కల వల్ల ఇబ్బందులు పడ్డారట. బ్యాచిలర్‌ రోజుల్లో రాత్రిళ్లు రూమ్‌కి తిరిగి చేరుకునేసరకి ఆ ఇంటి దగ్గర, లోపల ఉన్న కుక్కలు ఇబ్బంది పెట్టేవట. అలా ఓసారి రవితేజ, వైవీఎస్‌ చౌదరి (Y. V. S. Chowdary) , కృష్ణభగవాన్‌ కుక్కలకు దొరకకుండా గోడ దూకి వచ్చారట. అప్పుడు ఓ చిన్న కుక్క వాళ్ల దగ్గరకు వచ్చి, అరిచేసరికి పెద్ద కుక్కలు అక్కడికి వచ్చేశాయట. దీంతో చాలా ఇబ్బంది పడ్డాం అని కృష్ణ భగవాన్‌ చెప్పారు.
ఓసారి బాత్‌ రూమ్‌కి వెళ్లి బకెట్‌ పట్టుకుని వస్తుంటే చిన్న కుక్క చూసి పెద్ద కుక్కకి అరుస్తూ చెప్పిందట. దీంతో భయమేసింది అని కృష్ణ భగవాన్‌ చెప్పారు. స్టార్ హీరోలు, ప్రముఖ నటుల ఎర్లీ డేస్‌లో వాళ్లతోపాటు ఎన్నో ఏళ్లు కలసి ఉన్నారు కృష్ణ భగవాన్‌. ఆ విషయాలను అప్పుడప్పుడు ఆయన టీవీ రియాలిటీ షోల్లో చెబుతూ ఉంటారు.
