టాలీవుడ్‌లో మోస్ట్‌ హ్యాపెనింగ్‌ హీరోయిన్స్‌లో కృతి శెట్టి ఒకరు. ‘ఉప్పెన’ సినిమాతో చిత్ర పరిశ్రమకు హీరోయిన్‌గా పరిచయమైన ఈ తుళు అందం.. ఇప్పుడు వరుస సినిమాలతో బిజీగా ఉంది. చూడటానికి మోడరన్‌ గాళ్‌లా కనిపించినా.. సగటు సంప్రదాయ భారతీయ యువతిలా అనేక సెంటిమెంట్లు, పద్థతులు పాటిస్తూ ఉంటుంది. ఏదైనా కొత్త పని ప్రారంభించినప్పుడు దేవుడికి దండం పెట్టుకుని మరీ మొదలుపెడుతుందట. దాని వల్ల పాజిటివ్‌ ఎనర్జీ వస్తుందని చెబుతోంది. ఇంకా ఆమె ఏం చెప్పిందంటే…
ఆలియా భట్‌ని చూసి ఎంతగా ఇన్‌స్పైర్‌ అవుతుంటుందట. ఆమె కథలు ఎంచుకునే తీరు నచ్చుతుందట కృతికి. ఒక్కో సినిమాకి ఒక్కో వేరియేషన్‌తో కథలు ఎంచుకుంటూ ఉంటుంది ఆలియా.. అందుకే ఇష్టం అని చెబుతోంది. అలాగే ‘ఉప్పెన’ సినిమా రిలీజ్‌ అయ్యాక చిరంజీవి లేఖ రాసి పంపారు. ఆ లెటర్‌ ఇప్పటికీ ప్రత్యేకమైన జ్ఞాపకంగా ఉంది అని చెప్పింది. ఇక ‘రంగస్థలం’ చూశాక రామ్‌చరణ్‌కి అభిమానినైపోయా అని చెప్పింది కృతి. తమిళం దగ్గరకు వచ్చేసరికి కార్తి, శివకార్తికేయన్‌ సినిమాలు అంటే ఇష్టమట.
అంతేకాదు శివకార్తికేయన్‌ తన ఫస్ట్‌ క్రష్‌ అని చెప్పింది కృతి. ఎస్కే నటించిన అన్ని సినిమాలు చూసేసిందట. ఆయన నటనకు ఫ్లాట్‌ అయిపోయా అని చెప్పింది. కృతికి స్వీట్స్‌ అంటే చాలా ఇష్టమట. హీరోయిన్‌ అయ్యాక వాటిని పక్కన పెట్టాల్సి వచ్చిందట. కారులో వెళ్తున్నప్పుడు రోడ్డు పక్కన స్వీట్‌ షాప్స్‌ కనిపిస్తే చాలా బాధేస్తూ ఉంటుంది అని చెప్పింది. అలాగే ‘ఉప్పెన’ సమయంలో పెరుగన్నం తిన్నానని, అప్పటి నుండి అలవాటు అయిపోయింది అని కూడా చెప్పింది.
మొన్నీమధ్య యాంకర్లు చేసిన ప్రాంక్‌కి ఏకంగా ఏడ్చేసింది కృతి. ఎందుకలా చేశావు అంటే.. ఎమోషన్‌ సీన్లలో గ్లిజరిన్‌ లేకుండానే ఏడ్చేస్తుంటా. ఎవరన్నా గట్టిగా మాట్లాడినా, కసురుకున్నా, నా ముందు గొడవ పడినా వెంటనే ఏడుపొచ్చేస్తుంది. అదే నా బలహీనత. అని చెప్పింది. తనకు కోపం అంతగా రాదని, ఒకవేళ వచ్చినా.. గదిలోకి వెళ్లిపోయి తలుపేసుకుని నిద్రపోతుందట. నిద్రలేచేసరికి కోపం తగ్గిపోతుందట. ఇది నా బలం అని చెబుతుంటుంది కృతి.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
Home