ఉప్పెన సినిమాతో కృతిశెట్టి ఓవర్ నైట్ లో స్టార్ హీరోయిన్ గా గుర్తింపును సంపాదించుకున్న సంగతి తెలిసిందే. ఆ సినిమా సక్సెస్ వల్ల కృతిశెట్టికి వరుసగా సినిమా ఆఫర్లు వచ్చాయి. తాజాగా విడుదలైన శ్యామ్ సింగరాయ్ సినిమాలో కృతిశెట్టి కీర్తి అనే పాత్రలో అద్భుతంగా నటించి మెప్పించారు. కృతిశెట్టి ఈ సినిమాలో లిప్ లాక్ సన్నివేశాల్లో కూడా నటించడం గమనార్హం. శ్యామ్ సింగరాయ్ ప్రమోషన్స్ లో భాగంగా మీడియాతో ముచ్చటించిన కృతి ఆసక్తికర విషయాలను వెల్లడించారు.
ఉప్పెన, శ్యామ్ సింగరాయ్ సినిమాలలోని రోల్స్ కు చాలా తేడా ఉందని కృతిశెట్టి చెప్పుకొచ్చారు. ఉప్పెన మూవీలోని బేబమ్మ రోల్ కోసం తెలుగు సినిమాలను చూసి విలేజ్ అమ్మాయిలు ఎలా ఉంటారో తెలుసుకున్నానని కృతి అన్నారు. శ్యామ్ సింగరాయ్ కొరకు ఇంగ్లీష్ మూవీస్ చూసి నా స్టైల్ లో నటించానని కృతి చెప్పుకొచ్చారు. తనకు వచ్చే పాత్రలు, పాత్రల అలవాట్ల విషయంలో తానే రీసెర్చ్ చేసుకుంటానని కృతి పేర్కొన్నారు.
శ్యామ్ సింగరాయ్ లో కీర్తి పాత్ర తండ్రి పెంపకంలో పెరుగుతుంది కాబట్టి మాస్ గా మగాళ్ల వాచ్ ధరించి తాను మగరాయుడిలా కనిపించానని కృతి తెలిపారు. స్మోకింగ్ నచ్చకపోయినా మిల్క్ టేస్ట్ ఉండే ఆరోగ్య సేతు సిగరెట్లను తాగానని కృతి పేర్కొన్నారు. మూడు రోజులు సిగరెట్లు తాగడం ప్రాక్టీస్ చేశానని తొలిరోజు ఫోటో షూట్ సమయంలో చేతులు వణికిపోయాయని కృతిశెట్టి వెల్లడించారు.
నాని సపోర్ట్ వల్ల కంఫర్ట్ గా నటించానని కృతి తెలిపారు. బోల్డ్ సీన్లు అంటే చాలామంది బ్యాడ్ అనుకుంటారని మేము ఏం చేసినా వృత్తిపరంగా చేస్తామని కృతి పేర్కొన్నారు. అన్ని సీన్లలో నటించిన విధంగానే బోల్డ్ సీన్లలో నటిస్తామని కథకు అవసరమైతే మాత్రమే బోల్డ్ సీన్లలో నటిస్తానని కృతి అన్నారు. తన ఫ్యామిలీ శ్యామ్ సింగరాయ్ సినిమా చూసి నటనను మెచ్చుకున్నారని కృతి తెలిపారు. తనకు భిన్నమైన పాత్రల్లో నటించాలని ఉందని కృతి అన్నారు. పాత్ర నచ్చితే కథ గురించి ఆలోచించనని కృతి చెప్పుకొచ్చారు.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
Home
