‘ఉప్పెన’ చిత్రంతో హీరోయిన్ గా ఎంట్రీ ఇచ్చిన కృతి శెట్టి… వరుసగా క్రేజీ సినిమాల్లో ఆఫర్లు కొట్టేస్తుంది. ప్రస్తుతం ఈ అమ్మడి చేతిలో 3 సినిమాలు ఉన్నాయి. నాని తో ‘శ్యామ్ సింగ రాయ్’, రామ్- లింగుస్వామి కాంబినేషన్లో తెరకెక్కుతున్న సినిమాతో పాటు సుధీర్ బాబు హీరోగా ఇంద్రగంటి మోహన్ కృష్ణ దర్శకత్వంలో తెరకెక్కుతున్న ‘ఆ అమ్మాయి గురించి మీకు చెప్పాలి’ వంటి సినిమాల్లో నటిస్తూ బిజీగా గడుపుతుంది. ఇవి కాకుండా మరో మూడు కొత్త ప్రాజెక్టులకి సైన్ చేసిందట ఈ అమ్మడు.
అందులో ఓ స్టార్ హీరో సినిమా కూడా ఉందని తెలుస్తుంది.తన కొత్త సినిమాల గురించి స్వయంగా కృతి శెట్టి ప్రకటించే వరకు ఎటువంటి ప్రచారాన్ని నమ్మొద్దు అని మొన్నామధ్య ఈ అమ్మడు తన సోషల్ మీడియా ద్వారా తెలియజేసింది. అయితే కృతి నటించ బోయే బడా హీరో సినిమా ఏంటా? అనే డౌట్ చాలా మందిలో ఉంది. అయితే దీని పై రకరకాల కథనాలు వినిపిస్తున్నాయి. శంకర్ – రాంచరణ్ కాంబినేషన్లో తెరకెక్కబోతున్న చిత్రంలో కృతి శెట్టి ఓ హీరోయిన్ గా ఎంపికైనట్టు కూడా ఓ వార్త ప్రస్తుతం హల్ చల్ చేస్తుంది.
ఇది ఎంతవరకు నిజమో తెలీదు. కానీ ఇటీవల కృతి శెట్టి హీరోయిన్ గా నటిస్తున్న రామ్-లింగుస్వామి సెట్స్ కి దర్శకుడు శంకర్ వచ్చి టీంతో ముచ్చటించడంతో ఈ ప్రచారం మొదలైంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
