మెగా మేనల్లుడు సాయి తేజ్ తమ్ముడు అయిన వైష్ణవ్ తేజ్ కూడా హీరోగా ఎంట్రీ ఇవ్వబోతున్న సంగతి తెలిసిందే. ‘ఉప్పెన’ చిత్రంతో ఎంట్రీ ఇవ్వబోతున్నాడు వైష్ణవ్ తేజ్. ఈ చిత్రం ద్వారానే కృతి శెట్టి అనే అమ్మాయి కూడా హీరోయిన్ గా ఎంపికవ్వనుంది. ఇంకా సినిమా విడుదలవ్వకుండానే ఈ అమ్మడికి మంచి ఫ్యాన్ ఫాలోయింగ్ ఏర్పడింది. అంతేకాదు మంచి ఆఫర్లు కూడా వస్తున్నాయి. నాని 27వ చిత్రం ‘శ్యామ్ సింగరాయ్’ లో కూడా ఈమె హీరోయిన్ గా ఎంపికయ్యింది.
దాంతో పాటు సుధీర్‌ బాబు-ఇంద్రగంటి మూవీలో కూడా హీరోయిన్ ఛాన్స్ దక్కించుకుంది. వీటితో పాటు మరికొన్ని మీడియం రేంజ్ సినిమాల్లో కూడా కృతి నటించే అవకాశం ఉందట. అయితే ఈమె టార్గెట్ స్టార్ హీరోల సరసన నటించడమే అని కూడా స్పష్టమవుతుంది. ముఖ్యంగా రాంచరణ్ ఫ్యాన్స్ ను తన వైపుకి తిప్పుకునే ప్రయత్నం చేస్తుంది ఈ బ్యూటీ. ఇటీవల కృతి శెట్టి పాల్గొన్న ఓ ఇంటర్వ్యూలో ఆమె మాట్లాడుతూ.. “తెలుగు హీరోల్లో వ్యక్తిగతంగా రాంచరణ్ అంటే చాలా ఇష్టం.
అతని సినిమాలు ఏది మిస్ అవ్వలేదు. టాలీవుడ్ సినిమాలతోనే హీరోయిన్‌గా ఎంట్రీ ఇస్తానని నేను ఎప్పుడూ అనుకోలేదు. దర్శకుడు బుచ్చిబాబు.. నాకు కథ చెప్పినప్పుడే నా పాత్ర చాలా బాగా వస్తుందని అనిపించింది” అంటూ చెప్పుకొచ్చింది. ఇక ‘ఉప్పెన’ చిత్రం సంక్రాంతి కానుకగా విడుదలయ్యే అవకాశం ఉందని తాజా సమాచారం.
Most Recommended Video
‘కమిట్‌ మెంటల్’ వెబ్ సిరీస్ రివ్యూ & రేటింగ్!
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
