Krithi Shetty: సూపర్ స్టార్ తో రొమాన్స్ చేయనుందా..?

‘ఉప్పెన’ సినిమాతో టాలీవుడ్ లో హీరోయిన్ గా ఎంట్రీ ఇచ్చిన బ్యూటీ కృతిశెట్టి. మొదటి సినిమాతో ఈ భామ భారీ విజయాన్ని అందుకుంది. ‘ఉప్పెన’ సినిమా సెట్స్ పై ఉండగానే.. ఈమెకి టాలీవుడ్ లో అవకాశాలు వచ్చాయి. నాని నటిస్తోన్న ‘శ్యామ్ సింగరాయ్’ సినిమాలో ఓ హీరోయిన్ గా కృతి కనిపించనుంది. అలానే ఇంద్రగంటి మోహనకృష్ణ డైరెక్ట్ చేయనున్న మరో సినిమాలో కూడా ఛాన్స్ దక్కించుకుంది. రామ్ హీరోగా లింగుస్వామి డైరెక్ట్ చేస్తోన్న సినిమాలో కూడా కృతిశెట్టినే హీరోయిన్.

ఇలా వరుస సినిమాలతో టాలీవుడ్ లో బిజీ హీరోయిన్ గా మారింది కృతిశెట్టి. ఇప్పుడు మరో బంపర్ ఆఫర్ కొట్టేసిందని అంటున్నారు. అన్నీ అనుకున్నట్లు జరిగితే ఈ బ్యూటీ సూపర్ స్టార్ మహేష్ బాబుతో కలిసి నటించే ఛాన్స్ ఉంది. ప్రస్తుతం ఆ దిశగా చర్చలు మొదలైనట్లు తెలుస్తోంది. ‘సర్కారు వారి పాట’ సినిమా తరువాత మహేష్ బాబు.. దర్శకుడు అనీల్ రావిపూడితో సినిమా చేయబోతున్నాడు. ఈ సినిమాలో హీరోయిన్ గా కృతిశెట్టిని అనుకుంటున్నారట.

ఎందుకైనా మంచిది అని ఆమె డేట్స్ ని అడిగి పెట్టారట. మహేష్ బాబు సరసన నటిస్తే ఈ బ్యూటీ టాప్ లీగ్ లోకి చేరడం ఖాయం. ఇప్పటికే బిజీగా మారిన కృతికి ఇప్పుడు మహేష్ సినిమాలో ఛాన్స్ అంటే ఇక ఆమె కెరీర్ కి ఢోకా ఉండదు. మరేం జరుగుతుందో చూడాలి!

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!