ఈ ఏడాది విడుదలైన ‘ఉప్పెన’ సినిమాతో టాలీవుడ్ ఇండస్ట్రీకి హీరోయిన్ గా పరిచయమైంది కృతిశెట్టి. ఈ సినిమాతో ఓవర్ నైట్ స్టార్ అయిపోయింది. తెలుగులో ఈమెకి వరుస సినిమా అవకాశాలు వస్తున్నాయి. యంగ్ హీరోలంతా ఈ బ్యూటీ కోసం క్యూ కడుతున్నారు. ఇప్పటికే నానితో ‘శ్యామ్ సింగరాయ్’, సుధీర్ బాబుతో కలిసి ‘ఆ అమ్మాయి గురించి చెప్పాలని ఉంది’ వంటి సినిమాల్లో నటిస్తోన్న ఈ బ్యూటీ రీసెంట్ గా చైతు సినిమాకి గ్రీన్ సిగ్నల్ ఇచ్చింది.
నాగార్జున, నాగచైతన్య కలిసి నటిస్తోన్న ‘బంగార్రాజు’ సినిమాలో చైతుకి జంటగా కృతిశెట్టిని తీసుకున్నారు. తాజాగా ఈ బ్యూటీకి మరో ఆఫర్ వచ్చినట్లు తెలుస్తోంది. ఎడిటర్ ఎస్ఆర్ శేఖర్ దర్శకుడిగా మారి ఓ సినిమా చేయబోతున్నారు. ఇందులో నితిన్ హీరోగా నటించనున్నారు. కొన్ని నెలల క్రితమే నితిన్ ఈ సినిమా చేయడానికి ఒప్పుకున్నాడు. ఈ సినిమాను తన సొంత బ్యానర్ పై నిర్మించనున్నాడు నితిన్. ఇందులో హీరోయిన్ గా కృతిశెట్టిని తీసుకోవాలని భావించారు.
ఈ క్రమంలో ఆమెని సంప్రదించగా.. భారీ రెమ్యునరేషన్ డిమాండ్ చేసింది. ఆమె అడిగినంత ఇవ్వడానికి నిర్మాతలు రెడీ అవుతున్నారు. సో త్వరలోనే ఈ బ్యూటీ నితిన్ తో రొమాన్స్ చేయబోతుందన్నమాట. ముందుగా నితిన్ వక్కంతం వంశీ సినిమా పూర్తి చేయనున్నాడు. ఆ తరువాత శేఖర్ ప్రాజెక్ట్ పట్టాలెక్కుతోంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home
