Kriti Sanon: అలాంటి వ్యక్తి కావాలని కోరుకుంటున్న కృతి సనన్.. కానీ?

టాలీవుడ్ ఇండస్ట్రీలో తక్కువ సినిమాలే చేసినా కృతిసనన్ కు (Kriti Sanon) ఉన్న పాపులారిటీ అంతాఇంతా కాదు. బాలీవుడ్ ఇండస్ట్రీలో కృతి సనన్ వరుస విజయాలతో కెరీర్ ను కొనసాగిస్తున్న సంగతి తెలిసిందే. ఈ ఏడాదిలో కృతిసనన్ తేరీ బాటన్ మే ఐసా ఉల్జా జియా అనే సినిమాతో విజయాన్ని సొంతం చేసుకున్న సంగతి తెలిసిందే. తాజాగా కృతి సనన్ నటించిన క్రూ అనే సినిమా విడుదలైంది. సాధారణంగా హీరోయిన్లు నటనకు మాత్రమే పరిమితం అవుతారు.

అయితే కృతిసనన్ మాత్రం నటనతో పాటు ప్రొడ్యూసర్ గా కూడా వ్యవహరిస్తూ సత్తా చాటుతున్నారు. పొడుగుకాళ్ల సుందరిగా పేరును సొంతం చేసుకున్న కృతి సనన్ తన పర్సనల్ లైఫ్ గురించి షాకింగ్ విషయాలను వెల్లడించగా ఆ విషయాలు వైరల్ అవుతున్నాయి. నాకు డేటింగ్ కొరకు ఒక మగాడు కావాలని ఆ వ్యక్తి భారతీయుడు అయితే మరీ మంచిదని కృతి సనన్ చెప్పుకొచ్చారు. శ్వేత జాతీయులు సైతం హాట్ గా ఉండవచ్చని ఆమె పేర్కొన్నారు.

అయితే ఇప్పటివరకు నేను ఏ విదేశీయుడికి కూడా అట్రాక్ట్ కాలేదని ఆమె కామెంట్లు చేశారు. నాకు భారతీయ మగాళ్లు అంటే ఇష్టమని కృతి సనన్ చెప్పుకొచ్చారు. దేశీ అయిన వ్యక్తితో నేను డేటింగ్ కు ఇష్టపడతానని ఆమె పేర్కొన్నారు. హిందీ అర్థం చేసుకునే మగాడు అయితే మరీ ఓకే అని ఆమె వెల్లడించారు. నేను ప్రతిసారి ఇంగ్లీష్ లో మాట్లాడలేనని కృతి సనన్ వెల్లడించారు.

నాకు ఇంగ్లీష్ పాటలకు డ్యాన్స్ చేయడం కూడా చేతకాదని ఆమె చెప్పుకొచ్చారు. పంజాబీ, హిందీ సాంగ్స్ కు డ్యాన్స్ చేసే మగాడు కావాలని కృతి సనన్ అన్నారు. అలాంటి వ్యక్తితో డేటింగ్ చేయడానికి నేను ఇష్టపడతానని ఆమె చెప్పుకొచ్చారు. మరోవైపు కృతిసనన్ ఇప్పటికే డేటింగ్ లో ఉన్నారని కామెంట్లు వినిపిస్తున్నాయి. కబీర్ బహియాతో ఆమె ప్రేమలో ఉన్నట్టు తెలుస్తోంది.