సల్మాన్ సరసన మహేష్ హీరోయిన్..!

“1 నేనొక్కడినే” చిత్రంతో వెండితెరకు పరిచయమైన కృతి సనన్.. ఆ తర్వాత “హీరో పంటి”తో బాలీవుడ్ లో ఎంట్రీ ఇచ్చింది. ఇటీవల “దిల్ వాలే”లో షారుక్ తో కలిసి నటించిన క్రుతి.. అతి త్వరలో సల్మాన్ తో సరసాలాడనుందని బాలీవుడ్ వర్గాల సమాచారం.
2012 లో విడుదలై ఘన విజయం సొంతం చేసుకొన్న పంజాబీ చిత్రం “జత్త్ అండ్ జూలియట్”ను ప్రస్తుతం హిందీలో రీమేక్ చేస్తున్నారు. ఈ చిత్ర రీమేక్ హక్కులను సంగీత దర్శకుడు హిమేష్ రెష్మియా సొంతం చేసుకున్నాడు. హిమేష్ కొద్ది పాటి మార్పులతో చిత్ర కథను సల్మాన్ కు వినిపించగా, ఈ చిత్రంలో నటించడానికి సల్మాన్ అంగీకారం తెలిపాడట.
ఈ చిత్రంలో సల్మాన్ సరసన నటించడానికి కృతి సనన్ పేరును పరిశీలిస్తుండగా.. ఇంకా హీరోయిన్ ను ఖరారు చేయలేదని బాలీవుడ్ వర్గాల భోగట్టా. ప్రస్తుతం సల్మాన్ సుల్తాన్ చిత్రంలో నటిస్తున్నాడు.