Kriti Sanon: ఆదిపురుష్ సీత కష్టాలు మామూలుగా లేవుగా..?

దోచెయ్, 1 నేనొక్కడినే సినిమాలతో తెలుగు ప్రేక్షకులకు దగ్గరైన కృతిసనన్ ప్రభాస్ ఆదిపురుష్ సినిమాలో సీత పాత్రలో నటిస్తున్న సంగతి తెలిసిందే. ఏ హీరోయిన్ అయినా సీత పాత్రలో నటించడం తేలిక కాదు. లుక్ విషయంలో ఏ మాత్రం నిర్లక్ష్యం వహించినా నెటిజన్ల నుంచి ట్రోల్స్ ఎదురయ్యే అవకాశం ఉంది. పాత్రకు తగ్గట్టు మేకోవర్ కావడం కోసం కృతిసనన్ పడుతున్న కష్టాలు అన్నీఇన్నీ కావు. సీత రోల్ ఛాలెంజింగ్ రోల్ కావడంతో కృతిసనన్ ప్రస్తుతం సన్నబడాలని ప్రయత్నిస్తున్నట్టు తెలుస్తోంది.

సన్నబడటం కోసం కృతి తిండి కూడా మానేసిందని సమాచారం. సీత పాత్రలో మెప్పించడానికి కృతి కఠినమైన డైట్ ను ఫాలో అవుతున్నట్టు తెలుస్తోంది. పాత్ర కోసం కృతిసనన్ కష్టపడుతున్న తీరు నెటిజన్లను ఆశ్చర్యపరుస్తోంది. మరోవైపు ఈ సినిమాకు కృతి సొంతంగా డబ్బింగ్ చెప్పుకోనున్నారని తెలుస్తోంది. తెలుగులో సీత పాత్రకు డబ్బింగ్ చెప్పేందుకు ఇప్పటికే ఆమె కోచ్ ను నియమించుకున్నారని సమాచారం. మరోవైపు ఈ సినిమాలో లక్ష్మణుడి పాత్రలో సన్నీసింగ్, లంకేష్ పాత్రలో సైఫ్ అలీఖాన్ నటిస్తున్నారు.

2022 సంవత్సరం ఆగష్టు నెల 11వ తేదీన ఈ సినిమా రిలీజ్ కానుందని తెలుస్తోంది. దాదాపు 500 కోట్ల రూపాయల భారీ బడ్జెట్ తో ఈ సినిమా తెరకెక్కుతుండటం గమనార్హం. బాలీవుడ్ స్టార్ డైరెక్టర్ ఓం రౌత్ ఈ సినిమాకు దర్శకత్వం వహిస్తున్నారు. ఈ సినిమాపై ప్రేక్షకుల్లో భారీగా అంచనాలు నెలకొన్నాయి.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!